1Joh 1:8 - ÎVUKU RÎA ÛVORO MWARO

⁸ Tûngiuga atî tue tûtirî na mevia nîkwîveenia tûreveenia na tûtirî na ûma ndaarî yetû.

1Joh 1:8 ပူးပေါင်းရင်းမြစ်များ

1Atha 8:46

“Andû aku mangîgakwîvîria (nîûndû gûtirî mûndû ûtevagia) nawe ûtûmbwe nî marûrû na ûmarekererie kûrî nthû ciao imavoote na imatave marî mîgwate na imavire vûrûrirî wacio, ûrî kûraca kana gûkuvî;

2Atha 20:15

Mûrathi Isaia nîwamûûririe atîrî, “Moonire ndûî nyombarî yaku?” Nake Hezekia nîwacokirie atîrî, “Nîmoonire indo cionthe îrîa irî nyombarî yakwa. Gûtirî kîndû wanarî kîmwe kîrî makûmbîrî makwa ndaamoonia.”

2Maû 6:36

“Vîndî îrîa andû aku magaakwîvîria nîûndû gûtirî mûndû ûtevagia, nawe ûrakare na ûmarekererie mavootwe nî nthû ciao na matavwe mavirwe vûrûri wîngî ûrî kûraca kana gûkuvî,

Ayubu 14:4

Nû ûngîvota kûruta kîndû kîtheru kuuma kûrî kîndû gîtarî kîtheru! Gûtirî mûndû ûngîvota?

Ayubu 15:14

Mûndû nîndûî atî nîguo ethîrwe arî mûtheru? Kûrî mûndû ûciarîtwe nî mûndûmûka ûngîtuîka mûthingu?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Ayubu 9:2

“Nama nîmbicî atî ûguo nîguo kûrî. Nwatî kûrî mûndû ûngîtuîka mûthingu mbere ya Ngai?

Thaburi 143:2

Ndûkanjirithie nie, ndungata yaku, nîûndû gûtirî mûndû mûthingu mbere yaku.

Nthi 20:9

Nû ûngiuga nama atî thamiri yake nî ntheru, na atî ndarî na mevia?

Mûvunjia 7:20

Nama gûtirî mûndû mûthingu gûkû nthî ûrîa wîkaga maûndû maro na ndevagia.

Isaia 53:6

“Tue tuonthe nî tûrîte ta ng'ondu, wa mûndû akathiî njîra yake ke mwene. Nwatî Ngai-Mûnene nîwamwigîrîre mevia, marîa twagîrîrwe nî gûkuua tuonthe.

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Jeremia 2:35

we ugaga atî: “Nie ndirî na mevia, nama marakara ma Ngai-Mûnene marî varaca nanie.” Taroria nîngûkûverithia nîûndû wa kuga atî ndûrî mwîvia.

Alawi 13:12

Nwatî ethîrwa mûrimû ûcio wa ngothi ûtambîte mwîrî wonthe kuuma kîongo nginya magûrû,

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Aroma 3:10

Wata ûrîa mandîko matheru maugîte atîrî: “Gûtirî mûndû mûthingu.

Aroma 3:23

Andû onthe nîmevîtie na makanyivîrwa nî riiri wa Ngai.

1Akor 3:18

Mûndû wana ûrîkû ndakeveenie. Ethîrwa nîkûrî na mûndû wana ûmwe gatagatîrî kenyu wîciragia atî ke nî mûûgî arî gûkû nthî îno, nîwagîrîrwe nîgwîtua kîrimû nîguo atuîke mûûgî na ma.

Agal 6:3

Mûndû angîciria atî ke nî wa vata na kwaria ma tî wa vata, nîkwîveenia eveenagia.

1Tim 6:5

na ngarari vîndî cionthe kuuma kûrî andû arîa matarî na meciria maro na matiganagîria ûma. Andû ta aya meciragia gûtuîka mûkristiano nî njîra îmwe ya gûtonga.

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

Jakuvu 1:22

Tigani kwîveenia na njîra ya kûthikîrîria kiugo gîake tu, vandû va ûguo îkagani ûrîa kiugîte.

Jakuvu 1:26

Mûndû wa wonthe wîciragia nî wa ndini na ndamenyagîrîra rûrîmî rwake, ndini yake nî ya mana na nî kwîveenia eveenagia.

Jakuvu 3:2

Mavinda meengî tuonthe nîtûvîtagia. Nwatî mûndû ûrîa ûtavîtagia akîaria, nîmûkinyanîru na nîavotaga kûmenyerera mwîrî wake wonthe.

2Pet 2:13

Kwoguo nîmakaathînua nîûndû nîmatûmîte andû eengî mathînîke. Ûndû ûrîa ûmakenagia nî gwîka maûndû marîa makenagia mîîrî yao mûthenya cararûkû. Nîmatûmaga mûconoke na mûcambe rîrîa maûka marugarî menyu. Vîndî îo yonthe mûrî nao methagîrwa magîkenera mîtugo yao mîcûku.

1Joh 1:10

Tûngiuga atî tue tûtiîvîtie, tûngîtua Ngai mûthaani na kiugo gîake gîtirî ndaarî yetû.

1Joh 1:6

Tûngiuga atî tue tûrî na ngwatanîro nake na vîndî wa îo twîthîrwe tûthiîcagîra ndumarî nîtûraveenania na njîra ya ciugo na ciîko cietû.

1Joh 2:4

Mûndû ûrîa ugaga atî nîamwîcî na ndathîkagîra maathani make nî mûthaani na ndaarî yake gûtirî na ûma.

1Joh 4:20

Mûndû angiuga atî nîendete Ngai, nwatî ethîrwe nî amenete mûrwang'ina kana mwarwang'ina, ke nî mûthaani. Nîûndû mûndû ûrîa ûtendete mûrwang'ina ûrîa onaga ndangîvota kwenda Ngai ûrîa atonaga.

2Joh 1:2

Nîûndû ûma wîthagîrwa ûrî ndaarî yetû na nîtûtûûra naguo tene na tene.

3Joh 1:3

Nînîrakenire mûno rîrîa akristiano marakinyire na makîmbîra ûrîa we ûrî mwîvokeku ûvororî wa ma, wata ûrîa ûtûûraga ûvororî ûcio wa ma.