1Joh 1:6 - ÎVUKU RÎA ÛVORO MWARO

⁶ Tûngiuga atî tue tûrî na ngwatanîro nake na vîndî wa îo twîthîrwe tûthiîcagîra ndumarî nîtûraveenania na njîra ya ciugo na ciîko cietû.

1Joh 1:6 ပူးပေါင်းရင်းမြစ်များ

Thaburi 82:5

“Mûtirî na ûmenyo na mûtitaûkagîrwa, mecûrîtwe nî ungumania; kîvooto nîkîriganîrîte gûkû nthî.

Thaburi 94:20

We ndûngînyitanîra na atucanîri ciira arîa aganu, arîa matungaga mawatho ma gûcûkangia kîvooto.

Nthi 2:13

Andû acio nî mareganaga na mîthiîre mîkinyanîru na makarûmîrîra njîra cia nduma,

Mathaayo 7:22

Vîndî îrîa mûthenya wa îtuîro ûgaakinya, andû eengî nîmakaambîra atîrî, ‘Mwathani, Mwathani! Tue twavunjagia ndûmîrîri ya Ngai na rîîtwa rîaku na tûkarutûrûra Ndaimono na tûkaringa ciama na rîîtwa rîaku.’

Johana 11:10

Nwatî mûndû wa wonthe ûthiîcaga ûtukû nîavîngagwa nîûndû ndethagîrwa na ûtheri wa kûmûvotithia kwona.”

Johana 12:35

Nake Jesû nîwamerire atîrî, “Ûtheri nîwîthîrwa ûrî gatagatîrî kenyu kavinda kanini. Thiîni rîrîa kûrî na ûtheri nîguo mûtikethîrîrue nî nduma, nîûndû mûndû ûrîa ûthiîcaga kûrî na nduma ndamenyaga kûrîa arathiî.

Johana 12:46

Nie mbûkîte ta ûtheri gûkû nthî nîguo andû onthe arîa mambîtîkagia matigekare ndumarî.

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Johana 8:55

Mue mûtianamûmenya, nwatî nie nînîmwîcî. Angîthîrwa nwa mbuge ndimwîcî, nîngîthîrwa nîrî mûthaani wa tamue. Nwatî nie nînîmwîcî na nîmbathîkagîra kiugo gîake.

1Tim 4:2

Andû mvinga na arîa mathanaga mathomithanagia maûndû ta mama. Thamiri cia andû ta aya nîciakwire na ciîkaraga takwa irî mvîvie na cuuma mviû.

Jakuvu 2:14

Ariû na aarî a îthe wetû, kûrî na vata ûrîkû wa andû kuga atî marî na wîtîkio ethîrwa ciîko ciao itironania? Wîtîkio ûcio nwa ûmavonokie?

Jakuvu 2:16

Kûrî na vata ûrîkû wa kûmeera atîrî, “Thiîni na thayû, mwote mwaki na mûrîe mûvae” ethîrwa mûtiramava kîrîa mavatarîte ûtûûrorî wao?

Jakuvu 2:18

Nwatî mûndû ûmwe nwa auge atîrî, “We ûrî na wîtîkio, nwatî nie nîrî na ciîko.” Nie nwa nîmûcokerie atîrî, “Monia ûrîa mûndû angîvota kwîthîrwa arî na wîtîkio vatarî na ciîko, nanie nîngûkwonia wîtîkio wakwa na njîra ya ciîko irîa mbîkaga.”

1Joh 1:10

Tûngiuga atî tue tûtiîvîtie, tûngîtua Ngai mûthaani na kiugo gîake gîtirî ndaarî yetû.

1Joh 1:3

Maûndû marîa tûonete na tûkeîguîra nîmo tûmwîraga wa namue nîguo mûgwatanagîra natue ngwatanîrorî îrîa twîthagîrwa tûrî nayo na Îthe na Mûriû Jesû Kristû.

1Joh 1:8

Tûngiuga atî tue tûtirî na mevia nîkwîveenia tûreveenia na tûtirî na ûma ndaarî yetû.

1Joh 2:4

Mûndû ûrîa ugaga atî nîamwîcî na ndathîkagîra maathani make nî mûthaani na ndaarî yake gûtirî na ûma.

1Joh 4:20

Mûndû angiuga atî nîendete Ngai, nwatî ethîrwe nî amenete mûrwang'ina kana mwarwang'ina, ke nî mûthaani. Nîûndû mûndû ûrîa ûtendete mûrwang'ina ûrîa onaga ndangîvota kwenda Ngai ûrîa atonaga.