1Joh 1:2 - ÎVUKU RÎA ÛVORO MWARO

² Rîrîa Mwoyo ûyû waguûranîrue nîtwawonire. Kwoguo nîtwaragia ûira waguo na tûkamwîra ûvoro wîgiî mwoyo wa tene na tene ûrîa warî na Îthe na ûrîa twamenyithirue.

1Joh 1:2 ပူးပေါင်းရင်းမြစ်များ

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 1:4

Ndaarî yake kwarî na mwoyo, naguo mwoyo nîguo warî ûtheri wa andû.

Johana 10:28

Nie nînîivecaga mwoyo wa tene na tene, na itigaakua rî kana rî. Gûtirî mûndû ûngînjuna cio.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 15:27

Wa namue nîmûkaaruta ûira ûmbîgiî nîûndû mwîthîrîtwe mûrî vamwe nanie kuuma wa Kîammbîrîria.

Johana 16:28

Nie naumire kûrî Vava na ngîûka gûkû nthî na rîu nînguuma gûkû nthî njoke kûrî Vava.”

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 17:5

Vava! Nîrî mbere yaku mva riiri, riiri wata ûrîa naarî naguo mbere ya nthî kûmbwa.

Johana 19:35

(Mûndû ûrîa wonire ûndû ûyû ûgîkîka nîke ûravecana ûira, na ûrîa augîte nî ûira wa ma. Ke nîwicî aragia ûvoro wa ma, na aragia nîguo wa namue mwîtîkie.)

Johana 21:14

Rîîrî nîrîo rîarî riita rîa kathatû rîa Jesû kuumîrîra arutwa ake arîkia kûriûka kuuma kûrî akuû.

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Johana 7:29

nwatî nînîmwîcî, nîûndû nie naaumire kûrî ke na nîke wandûmire.”

Johana 8:38

Nie mbaragia maûndû marîa Vava amonetie, nwatî mue mwîkaga maûndû marîa îthe wenyu amwîrîte.”

Ciîko 1:22

kuuma vîndî îrîa Johana aavatithanagia nginya rîrîa Mwathani Jesû aavirirwe îgûrû, nwanginya athuurwe atonye gîkundirî gîetû. Mûndû ûcio nwanginya atuîke mûira vamwe natue wa ûvoro wa kûriûka kwa Jesû.”

Ciîko 10:41

Ke ndoonekana nî andû onthe, nwatî oonekanire tu nî aira arîa Ngai aarîkîtie kûthuura. Na rîu, tue nîtue aira arîa maarîcanîre na makînyunyanîra nake arîkia kûriûkua.

Ciîko 2:32

Ngai nîwariûkirie Jesû ûyû na tue tuonthe tûrî aira a ûma ûyû.

Ciîko 3:15

Mue nîmwaûragire Mûvecani wa mwoyo, nwatî Ngai nîwamûriûkirie. Tue tûrî aira a ûvoro ûyû.

Ciîko 5:32

Tue tûrî aira a maûndû mama. Wana nginya Roho Mûtheru ûrîa Ngai avecanîte kûrî arîa mamwathîkagîra nî mûira.”

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

2Tim 1:10

Nwatî rîu nîtûguûrîrîtue guo na njîra ya gûka kwa mûvonokia wetû Kristû Jesû. Ke nîathirîtie vinya wa gîkuû. Na na njîra ya ûvoro mwaro ûrîa aavunjirie, nîatûmenyithîtie ûvoro wa mwoyo wa tene na tene.

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

1Pet 5:1

Nie nîrî mûthuuri wa kanitha. Kûrî na ûndû ûmwe nîrenda kwîra athuuri arîa engî a kanitha methagîrwa gatagatîrî kenyu. Nîrî mûira wa mathîna marîa Kristû oonire, na nîngaagaîrwa riiri ûrîa ûkaaguûrua. Nîramûthaitha

1Joh 1:1

Tûramwandîkîra ûvoro wîgiî kiugo Kîam mwoyo kîrîa gîtwîre kuo kuuma wa Kîammbîrîria. Kiugo gîkî nîtûkîîguîte, na ma nîtûkîroretie na tûgakîona na metho metû na tûgakînyita na njara cietû.

1Joh 2:25

Kîveo kîrîa Kristû aatwîrîre nî mwoyo wa tene na tene.

1Joh 3:5

Nîmwîcî atî Kristû aaûkire kûthengutia mevia, na atî ndaarî yake gûtirî rîvia.

1Joh 3:8

Mûndû wa wonthe wîvagia nî wa Ngoma nîûndû Ngoma îtûûraga îvagia kuuma wa Kîammbîrîria. Kîrîa gîatûmire Mûriû wa Ngai aûke, nî gûcûkangia wîra wa Ngoma.

1Joh 4:14

Tue nîtwonete na nîtumbûraga atî Îthe nîwatûmire Mûriû wake atuîke Mûvonokia wa nthî.

1Joh 4:2

Mûkaavotaga gûkûranaga Roho wa Ngai na njîra îno: mûndû wa wonthe umbûraga atî Jesû Kristû aûkire arî na mwîrî ta mûndû, arî na Roho ûrîa umaga kûrî Ngai.

1Joh 5:11

Ûyû nîguo ûira atî: Ngai nîatûvete mwoyo wa tene na tene. Naguo mwoyo ûyû umaga kûrî Mûriû wake.

1Joh 5:13

Mue arîa mwîtîkîtie Mûriû wa Ngai nîramwandîkîra nîguo mûmenye atî mûrî na mwoyo wa tene na tene.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.