1Atha 8:66 - ÎVUKU RÎA ÛVORO MWARO

⁶⁶ Mûthenyarî wa kanana, Solomoni nîwerire andû menûke. Nao nîmaaugîre mûthamaki ûvoro na makînûka kwao mîciî makenete na makîgucaga waro ngororî ciao nîûndû wa maûndû monthe maro marîa Ngai-Mûnene eekîte Daudi ndungata yake, vamwe na andû ake a Isiraeli.

1Atha 8:66 ပူးပေါင်းရင်းမြစ်များ

Kîam 47:7

Josefu nîwacokire akîvira îthe Jakovu kûrî mûthamaki wa Misiri, na Jakovu akîrathima mûthamaki wa Misiri.

1Atha 8:1

Mûthamaki Solomoni nîwacokire agîta athuuri onthe a Isiraeli na atongoria onthe a mîvîrîga na atongoria a mbarî cia andû a Isiraeli mathiî kûrî ke kûu Jerusalemu nîguo magakuue îthandûkû rîa Kîrîkanîro Kîam Ngai-Mûnene kuuma Zayuni, îtûûra rînene rîa Daudi marîvire hekarûrî.

1Atha 8:47

mangîkeerira marî kûu vûrûrirî ûcio maavirirwe matavwa na makûvoye makiumbûraga ûrîa marî evia na marî aganu, nakûthaitha Ngai-Mûnene ûkaathikîrîria mavoya mao.

1Atha 8:65

Solomoni na andû onthe a Isiraeli nîmaakûngûîre kîrugo îvinda rîa mîthenya mûgwanja. Kwarî na andû eengî arîa maaûkîte kuuma mwanyarî wa Hamathi mwena wa rûgûrû nginya karûnjîrî ka Misiri mwena wa îveti.

1Atha 9:1

Rîrîa mûthamaki Solomoni aarîkirie gûtumîra Ngai-Mûnene hekarû, na gûtuma mûciî wa mûthamaki, vamwe na kûvingia maûndû monthe marîa eendaga gwîka,

2Maû 29:36

Mûthamaki Hezekia na andû onthe nîmaakenire nîûndû wa maûndû marîa Ngai aamavotithîtie gwîka, nîûndû maûndû mau nîmeekîkire na îvenya mûno.

2Maû 30:26

Kwoguo kwarî na gîkeno kînene mûno îtûûrarî rîa Jerusalemu, nîûndû kuuma vîndî ya Solomoni mûvîcî wa Daudi, mûthamaki wa Isiraeli gûtiagîîte ûndû wîngî ta ûcio îtûûrarî rîa Jerusalemu.

2Maû 7:10

Mûthenya wa mîrongo îîrî na îthatû wa mweri wa mûgwanja, Solomoni nîwerire andû menûke. Nao nîmaakenire nîûndû wa maûndû maro marîa Ngai-Mûnene eekîte Daudi, Solomoni na andû onthe a Isiraeli.

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Nehemia 9:25

Andû aku nîmegwatîre matûûra manene marîa maarî magitîre, na vûrûri ûrîa warî mûnoru. Nîmegwatîre nyomba ciarî na indo cionthe mbaro igîtuîka ciao, iriko cia manjî irîa ciarî mînje, mîgûnda ya mîthavibu na ya mîtamaiyû îrîa îciaraga matunda, wa vamwe na mîtî mîngî ya matunda. Kwoguo nîmaarîre makîvaa, makînora na magîkenerera indo cionthe irîa wamaveere.

Thaburi 122:6

Voyani nîguo Jerusalemu kûgîe thayû, “Arîa makwendete marothatûkwa.

Thaburi 122:9

Nîûndû wa nyomba ya Ngai-Mûnene, Ngai wetû, ngaakûvoyagîra ûthatûkwe!

Isaia 63:7

Nîngûvecana ûvoro wa wendo ûtathiraga wa Ngai-Mûnene, na nîmûgooce nîûndû wa maûndû monthe marîa atwîkîrîte, na nîûndû wa maûndû manene na maro marîa ekîrîte nyomba ya Isiraeli, kûringana na ntha ciake na wendo wake ûtathiraga.

Zefania 3:14

Ina we mwarî wa Zayuni; ugîrîria we mwarî wa Zayuni! kena na ûcanjamûke ngoro, we mwarî wa Jerusalemu.

Zakaria 9:17

Kaî makethîrwa marî aro na athaka-î! Andû ethî nîmakaagîcaga na vinya nîûndû wa ngano na ndivei.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Gûco 12:12

Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

Gûco 12:18

Nwatî mue, ciana cienyu, vamwe na ndungata cienyu cia arûme na cia aka, na Alawi arîa matûûraga matûûrarî menyu, mûkaarîcagîra matega mbere ya Ngai-Mûnene Ngai wenyu mûrî varîa Ngai-Mûnene Ngai wenyu akaathuura va kûgoocagîrwa na nî mûgaakenaga mûgîka maûndû monthe mûrî mbere ya Ngai-Mûnene Ngai wenyu.

Gûco 12:7

Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.

Josh 22:6

Kwoguo Joshua nîwamarathimire na akîmeera mathiî. Nao nîmaathiîre kwao mîciî.