1Atha 8:63 - ÎVUKU RÎA ÛVORO MWARO

⁶³ Solomoni nîwarutire ndegwa ngiri mîrongo îîrî na igîrî na ng'ondu ngiri îgana rîmwe rîa mîrongo îîrî irî matega ma thayû. Ûguo nîguo mûthamaki vamwe na andû onthe a Isiraeli maamûrire hekarû.

1Atha 8:63 ပူးပေါင်းရင်းမြစ်များ

1Maû 29:21

Mûthenya ûcio warûmîrîrîte nîmaarutîre Ngai-Mûnene magongoona. Nîmaarutîre Ngai-Mûnene matega ma kûvîvua ma ndegwa ngiri îmwe (1,000), ndûrûme ngiri îmwe, (1,000) na tûgondu ngiri îmwe (1,000), na matega ma ndivei, na matega mengî nîûndû wa andû onthe a Isiraeli.

2Maû 15:11

Mûthenya ûcio nîmaarutîre Ngai-Mûnene magongoona ma ng'ombe magana mûgwanja (700) na ng'ondu ngiri mûgwanja (7,000). Indo icio nî irîa Asa na athigari ake maatavîte kuuma kûrî nthû ciao.

2Maû 2:4

Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

2Maû 30:24

Hezekia, mûthamaki wa Juda nîwavere andû ndegwa ngiri îmwe na ng'ondu ngiri mûgwanja (7,000) cia kûrîwa nî andû. Nao anene nîmaaveere andû ndegwa ngiri îmwe (1,000) na ng'ondu ngiri îkûmi (10,000). Athînjîri-Ngai eengî nîmeetheririe.

2Maû 7:4

Mûthamaki Solomoni na andû onthe nîmaacokire makîrutîra Ngai-Mûnene magongoona.

2Maû 7:5

Solomoni nîwarutire ndegwa ngiri mîrongo îîrî na igîrî (22,000), ng'ondu ngiri îgana rîmwe rîa mîrongo îîrî (120,000) irî matega ma thayû. Kwoguo mûthamaki na andû onthe a Isiraeli nîmaamûrire hekarû.

Ezira 6:15

Mûthenya wa Kathatû mwerirî wa Adari mwakarî wa gatandatû kuuma mûthamaki Dario atuîka mûthamaki, wîra wa gûtuma hekarû ya Ngai nîwathirire.

Nehemia 12:27

Vîndî ya kwamûrîra Ngai rûthingo rwa Jerusalemu Alawi onthe nîmaaretirwe vamwe kuuma kûrîa maatûûraga. Maaretirwe vamwe Jerusalemu nîguo makûngûîre wamûri ûcio marî na gîkeno, magîcokagîria Ngai ngatho, makinaga na ithaani irîa iringithanagua, ngita na mîtûrirû.

Thaburi 30:1

Nî ngûkumagia we Ngai-Mûnene, nîûndû nîûmvonoketie, na ûkîgiria nthû ciakwa inthekerere.

Ezek 36:38

Matûûra marîa momoku nîmakethîrwa na andû eengî ta ûrîa vîndî îmwe îtûûra rîa Jerusalemu rîarî na ng'ondu nyîngî irîa ciarutîtwe cia magongoona kavinda karîa kaarî kagîrîru. Nao nîmagaacoka kûmenya atî, nie nînie Ngai-Mûnene.”

Ezek 45:17

Nake mûnene ûrîa ûrathana nîke wagîrîrwe nî kûvecana nyamû cia îgongoona irîa ikaavîvua itarî nthînje, matega ma irio cia mûgûnda na matega ma indo cia kûnyua vîndî ya irugo cia karûngamo ka mweri, thavatû na irugo cionthe irîa nyamûre cia andû a Isiraeli. Vamwe na ûguo nîakaaruta matega ma kûthiria mevia, matega ma irio cia mûgûnda, matega ma kûvîvua na matega ma thayû nîguo agwatanie andû onthe a Isiraeli.

Mika 6:7

Ngai-Mûnene nî agaakena, namûvirîra ndûrûme ngiri nyîngî, kana maguta meengî mûno ma ndamaiyû? Ngaamûvirîra îrikithathi rîakwa nîûndû wa mavîtia makwa, mwana wakwa nîûndû wa mevia makwa?

Johana 10:22

Îvinda nîrîakinyire rîa kîrugo gîa gûkûngûîra kwamûrwa kwa hekarû îtûûrarî rîa Jerusalemu. Kwarî vîndî ya mvevo.