1Atha 8:43 - ÎVUKU RÎA ÛVORO MWARO

⁴³ nakûthaitha ûkaamûthikîrîria ûrî îgûrû kûrîa ûtûûraga na ûkaamûvingîria ûrîa agaakûûria, nîguo andû onthe a gûkû nthî makûmenye na makwathîkîre ta ûrîa andû aku a Isiraeli mekaga. Nîmagaacoka mamenye atî nyomba îno ndumîte îtanîtue na rîîtwa rîaku.

1Atha 8:43 ပူးပေါင်းရင်းမြစ်များ

1Atha 18:36

Rîrîa îthaa rîa kûruta matega ma kîvwaî rîakinyire, mûrathi Elija nîwakuvîvîrie metha ya kîgongoona na akîvoya atîrî, “We Ngai-Mûnene, Ngai wa Iburahimu, Isaka, na Jakovu, onania ûmûnthî atî we nîwe Ngai wa Isiraeli na atî nie nîrî ndungata yaku na mbîkîte maûndû mama monthe na watho waku.

1Atha 8:60

Kwoguo andû onthe a gûkû nthî nîmakaamenya atî Ngai-Mûnene wenga nîke Ngai; na gûtirî wîngî take.

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

1Maû 16:8

Cokiani ngatho kûrî Ngai-Mûnene, mwanîrîre ûnene wake, menyithiani andû maûndû marîa ekîte.

2Maû 6:33

ûkaamwîgua ûrî kûu gwaku îgûrû. Ûcoke ûvingîrie mûgeni ûcio mavoya make nîguo andû onthe a nthî makûmenye na magwîtigîre wata ûrîa andû aku a Isiraeli magwîtigîrîte na mamenye atî hekarû îno ndumîte îtanîtue na rîîtwa rîaku.

Thaburi 102:15

Mavûrûri nîmagetigîra rîîtwa rîa Ngai-Mûnene; athamaki onthe a nthî nîmagetigîra riiri wake.

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Thaburi 33:14

Kuuma gîtîrî gîake Kîam ûthamaki nîaroragia gûkû nthî, nîaroragia andû onthe arîa matûûraga nthî.

Thaburi 67:2

nîguo andû a nthî yonthe mamenye wendi waku; na mavûrûri monthe mamenye ûvonokio waku.

Thaburi 86:9

Ndûrîrî cionthe irîa waûmbire nîigaaûka ikûgooce, we Mwathani; na nîikaanîrîra ûnene wa rîîtwa rîaku.

Isaia 11:9

Kîrîmarî kîrîa kîtheru Kîam Ngai, gûtigativanua kana gwîkwa maûndû macûku. Nîûndû nthî îkethîrwa îcûrîte ûmenyo wa Ngai-Mûnene, ta ûrîa manjî methagîrwa mecûrîte îriarî.

Jeremia 25:29

Taroria! Rîu nîngwambîrîria kûverithia îtûûra rîrîa rîtanîtue nanie. Mûreciria nwa mûrege kûverithua? Nwa nginya mûverithue, nîûndû nîngûtûma kûgîe na mbaara kûrî andû onthe a nthî. Nînie Ngai-Mûnene mwene vinya wonthe nauga guo.

Gûco 26:15

Ngai-Mûnene, ûrî îgûrû kûu kûtheru ûtûûraga, rathima andû aku, Aisiraeli na vûrûri ûrîa ûtûveete wata ûrîa werîre methe metû na mwîvîtwa, vûrûri wîcûrîte îriia na ûûkî.’

Josh 4:23

Nîûndû Ngai-Mûnene, Ngai wenyu nîwatûmire manjî ma rûnjî rwa Jorodani matiga kûnyûrûrûka nginya rîrîa mwaringire. Ûguo nwaguo Ngai-Mûnene, Ngai wenyu eekire rîrîa aatûmire manjî ma Îria Îtune mamûkane na tûkîringîra nthî nyûmû.

Josh 4:24

Kwoguo andû onthe a nthî nwa mamenye ûrîa Ngai-Mûnene arî vinya mûnene, na andû nîmagîrîrwe nî kûmûvecaga gîtîîo vîndî cionthe.”

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

1Sam 17:46

Ûmûnthî Ngai-Mûnene nîakûmva we, ngûvoote na ngûnuke kîongo na njoke mve iconi na nyamû cia kîthaka ciimba cia athigari a Afilisiti irîe, nîguo andû a nthî mamenye atî Isiraeli kwîthagîrwa kûrî na Ngai.