1Atha 8:35 - ÎVUKU RÎA ÛVORO MWARO

³⁵ “Vîndî îrîa ûkaagiria mbura yure nîûndû wa ûrîa andû aku makeethîrwa makûvîtîrîtie, na macoke merire na makûvoye marî na wînyivia marî hekarûrî îno,

1Atha 8:35 ပူးပေါင်းရင်းမြစ်များ

2Sam 24:10

Daudi arîkia gûtara andû, nîwambîrîrie kûthînua nî thamiri yake, na nîwerire Ngai-Mûnene atîrî, “Nînjîvîtie mûno nîûndû wa ûguo mbîkîte! Nakûthaitha ûnjovere, nîûndû mbîkîte ûguo na ûrimû.”

2Sam 24:13

Gadi nîwathiîre kûrî ke, akîmwîra ûrîa Ngai-Mûnene aaugîte na akîmûria atîrî, “Ûrenda ûndû ûrîkû? Kûgîe yûra îvinda rîa mîaka îthatû vûrûrirî waku, ûûre nî nthû ciaku ikûvinyûrîtie mîeri îthatû kana kûgîe na mûthiro mîthenya îthatû vûrûrirî wonthe. Rîu îîcirie na ûmbîre ûrîa ngûthiî kwîra Ngai-Mûnene.”

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 8:33

“Vîndî îrîa andû aku Aisiraeli mangîkaavootwa nî nthû ciao nîûndû wa kwîthîrwa makûvîtîrîtie, na macoke magûcokerere na maûke hekarûrî îno na makûvoye na wînyivia nîguo ûmovere,

1Atha 8:34

nakûthaitha ûkaamathikîrîria ûrî kûu îgûrû. Ûkoovera andû aku Aisiraeli mevia mau na ûkaamacokia vûrûrirî ûrîa waveere methe mao.

2Maû 6:24

“Andû aku a Isiraeli mangîkaavootwa nî nthû ciao nîûndû wa mevia marîa mekîte, mangîgaagûcokerera menyivîtie na makûvoe ûmovere marî hekarûrî îno,

2Maû 6:26

“Vîndî îrîa ûkaavinga matu ma mbura îtige kuura nîûndû wa ûrîa andû makethîrwa makûvîtîrîtie na macoke merire na makûvoe marî na wînyivia merekerete hekarûrî îno,

Ayubu 12:15

Angîgiria mbura yure kûgîcaga na thano nene, angîtîkîra mbura yure kûgîcaga na mwîcûro wa manjî.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Isaia 9:13

Ngai-Mûnene mwene vinya wonthe averithia andû a Isiraeli, matiamûcokerera.

Ezek 14:13

“Mûndû, vûrûri wa wonthe ûngîvia nîûndû wa kûrega gûtuîka evokeku kûrî nie, nîngaaûverithia. Nîngaacûkangia makûmbî mao ma irio na ndûme kûgîe na yûra. Nîngaatûma andû a vûrûri ûcio makue, wana nyamû ciakuo.

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Alawi 26:19

Nî ngaathiria vinya ûcio ûtûmaga mwîtîîe. Gûtikethîrwa na mbura na gûtirî irio igaakûra vûrûrirî wenyu.

Hagai 1:10

Kîu nîkîo gûtarî mbura kuuma îgûrû na gûtirî kîndû kîngîkûra nthî.

Zakaria 14:17

Na kûngîkethîrwa kûrî na rûrîrî rûkaarega kûthiî Jerusalemu kûgooca Ngai-Mûnene mwene vinya wonthe ûrîa mûthamaki, vûrûri wao nîûgaatura mbura.

Malaki 3:10

“Reteni matega menyu makûmbîrî makwa, nîguo nyomba yakwa îgîe na irio cia kwîgana. Mue nwa mûcoke mûngerie. Mweka ûguo, nîmûkoona kana tîmvingûra ndirica cia îgûrû na nîmwîtûrûrîre irathimo ciakwa.

Luka 4:25

Jesû nîwerire andû acio atîrî, “Taririkanani ûrîa gwekîkire vîndî ya Elija, rîrîa gwekarire mîaka îthatû na nuthu gûtakuura mbura, na gûkîgîa yûra rînene mûno vûrûrirî wonthe wa Isiraeli. Nîramwîra na ma atî kwarî na aka eengî a ndigwa,

Aroma 10:9

Nîûndû ûngiumbûra na kanyua gaku atî Jesû nî Mwathani na wîtîkie na ngoro yaku atî Ngai nîwamûriûkirie, nî ûkaavonoka.

Aroma 15:9

Kristû ekire ûguo nîguo andû a Ndûrîrî makumie Ngai nîûndû wa ntha ciake. Mandîko Matheru maugîte atîrî, “Kwoguo nie ngaagûkumagia gatagatîrî ka andû a Ndûrîrî, nie ngaainaga ngîkumagia rîîtwa rîaku.”

Gûco 11:16

Menyererani mûtikaveenererue mûtiganîrie Ngai-Mûnene na mûgooce ngai irîa ciîngî na mûitungatîre.

Gûco 11:17

Mûngîkaagooca ngai ciîngî, Ngai-Mûnene nîakaarakara nîmue na atige kuurithia mbura na mîgûnda yenyu îng'aare na îtige kuuma kîndû. Nîmûgaacoka mûkuîre kuo narua, wana ethîrwa vûrûri ûcio Ngai-Mûnene akûmûva nî mwaro.

Gûco 28:12

Ngai-Mûnene nîakaamûvingûrîra mûthithû wake kûu îgûrû amurithagîrie mbura vûrûrirî wenyu mavinda marîa magîrîru na arathimage wîra wenyu. Nîmûgaakovithia mavûrûri meengî, nwatî mûtigaakova kuuma kûrî o.

Kûguû 11:6

Aira acio marî na ûvoti wa kûgiria mbura yure kavindarî karîa methagîrwa makîanîrîra ndûmîrîri ya Ngai. O marî na ûvoti wa kûgarûra manjî magatuîka nthakame, na wa gûtûma kûgîe na mathîna ma mîthemba mîîngî gûkû nthî maita meengî wa ûrîa mangîenda.