1Atha 8:3 - ÎVUKU RÎA ÛVORO MWARO

³ Rîrîa atongoria onthe maaûnganire vamwe, athînjîri-Ngai nîmaakuuire îthandûkû rîa kîrîkanîro Kîam Ngai-Mûnene

1Atha 8:3 ပူးပေါင်းရင်းမြစ်များ

2Sam 6:12

Mûthamaki Daudi nîwegwire, atî Ngai-Mûnene nîarathimîte Obedi-edomu na kîrîa kîonthe arî nakîo vamwe na andû onthe a mûciî wake nîûndû wa îthandûkû rîa kîrîkanîro. Kwoguo nîwathiîre akîruta îthandûkû rîa kîrîkanîro mûciî kwa Obedi-edomu na akîrîvira îtûûrarî rîa Daudi na gîkeno kînene mûno.

1Atha 8:6

Athînjîri-Ngai nîmaacokire magîkuua îthandûkû rîa kîrîkanîro na makîrigîrîra vandû varîa vatheru Mûno rungu rwa akerubi.

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

Ndari 7:9

Nwatî Musa ndaanengera andû a Kohathu gîkaari kana ndegwa wanarî îmwe nîûndû wîra wao warî wa gûkuua indo irîa nyamûre, na maaikuuaga na ituro.

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.

Josh 3:3

makîmeeraga atîrî, “Vîndî îrîa mûkoona athînjîri-Ngai Alawi makuuîte îthandûkû rîa kîrîkanîro Kîam Ngai-Mûnene Ngai wenyu, mûgaaûkîra muume kûu mwambîte magema mûrîrûmîrîre.

Josh 3:6

Joshua nîwacokire akîîra athînjîri-Ngai makuue îthandûkû rîa kîrîkanîro na mathiî marî mbere ya andû. Nao nîmeekire wata ûguo aameerire.

Josh 4:9

Nake Joshua nîwaigire mathiga mengî îkûmi na maîrî gatagatî ka rûnjî rwa Jorodani varîa athînjîri-Ngai arîa maakuuîte îthandûkû rîa kîrîkanîro maakinyîte. (Mathiga mau marî vo nginya ûmûnthî.)

Josh 6:6

Kwoguo Joshua nîwetire athînjîri-Ngai na nîwamerire atîrî, “Kuuani îthandûkû rîa kîrîkanîro na engî mûgwanja mathiî marî mbere ya îthandûkû rîa kîrîkanîro makuuîte tûrumbeta twa mvîa cia ndûrûme.”