1Atha 8:22 - ÎVUKU RÎA ÛVORO MWARO

²² Solomoni nîwacokire akîrûngama mbere ya metha ya kîgongoona ya Ngai-Mûnene andû onthe a Isiraeli marî vo, akîambararia njara ciake na îgûrû,

1Atha 8:22 ပူးပေါင်းရင်းမြစ်များ

1Atha 8:54

Solomoni arîkia kûvoya Ngai-Mûnene, nîwaûkîrire vau mbere ya metha ya kîgongoona varîa aaturîtie maru ambararîtie njara na îgûrû.

2Atha 11:14

Nîwaroririe na akîona mûthamaki mûcerû arûngamîte vakuvî na gîtugî vau mûromorî wa hekarû, kûringana na mûtugo. Nao anene a athigari na andû arîa maavuvaga tûrumbeta maarî vakuvî na mûthamaki nao andû onthe makiugagîrîria nî gîkeno makîvuvaga tûrumbeta. Athalia nîwatembûrangire nguo ciake na marûrû na akiugîrîria atîrî, “Gûkû nî kûregana na mûthamaki! Gûkû nî kûregana na mûthamaki!”

2Atha 23:3

Mûthamaki nîwarûngamire vakuvî na gîtugî na akîrûtha kîrîkanîro na Ngai-Mûnene. Nîwamwîrîre atî akaamwathîkagîra, akaavingagia mawatho make, maathani make na kîrîra gîake na ngoro yake yonthe na mwoyo wake wonthe na kûvingia maûndû monthe megiî kîrîkanîro gîkî wata ûrîa kwandîkîtwe îvukuurî rîîrî. Nao andû onthe nîmeranîre atî nîmakûvingia kîrîkanîro.

Ezira 9:5

Rîrîa kavinda gaakinyire ka îgongoona rîa kîvwaî, nînaûkîrire ngiuma varîa nekarîte nthî nîrî na kîeva. Nîrî na nguo icio ndembûkangu, nînaturirie maru nîguo mvoe na ngîûkîrîria njara ciakwa na îgûrû kûrî Ngai-Mûnene, Ngai wakwa.

Ayubu 11:13

“Ayubu, ûngîagîria ngoro yaku, nwa wambararie njara yaku ûkavoya Ngai.

Thaburi 28:2

Thikîrîria Ngai-Mûnene ngîgûkaîra ûndethie, mbûkîrîrîtie njara ciakwa nîcierekeretie hekarûrî yaku ntheru.

Thaburi 63:4

Nîndûûra ngûcokagîria ngatho ûtûûrorî wakwa wonthe; ngaakûvoyaga mbûkîrîrîtie njara ciakwa.

Ntha 33:10

Rîrîa andû onthe moona gîtugî gîa îtu Kîamrûngama mûromorî wa îgema, nîmaarûngamaga na makagooca Ngai-Mûnene wa mûndû arî mûromorî wa îgema rîake.

Ntha 9:29

Musa nîwerire mûthamaki atîrî, “Wona narîkia kuuma nja ya îtûûra rîîrî rînene, ngaaûkîrîria njara ciakwa ngîvoya Ngai-Mûnene. Ngwa îgakira, na mbura ya mbembe îtige kuura, nîguo ûmenye atî nthî nî ya Ngai-Mûnene.

Ntha 9:33

Musa nîwaumire varî mûthamaki wa Misiri na akîthiî nja ya îtûûra rînene. Na rîrîa aaûkîrîrie njara ciake na îgûrû akîvoya Ngai-Mûnene, ngwa na mbura ya mbembe nîyatigire kuura gûkû nthî.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.