1Atha 8:21 - ÎVUKU RÎA ÛVORO MWARO

²¹ Nîndumîte vandû va kwiga îthandûkû rîa kîrîkanîro Kîam Ngai-Mûnene. Kîrîkanîro kîu nîkîo Ngai-Mûnene aarûthire na methe metû rîrîa aamarutire vûrûrirî wa Misiri.”

1Atha 8:21 ပူးပေါင်းရင်းမြစ်များ

1Atha 8:9

Gûtiarî kîndû ndaarî ya îthandûkû rîa kîrîkanîro tiga ivengere igîrî cia mathiga irîa Musa eekîrire kuo arî Horebu. Musa aaciîkîrire kuo rîrîa Ngai-Mûnene aarûthire kîrîkanîro na andû a Isiraeli rîrîa maaumaga vûrûrirî wa Misiri.

1Maû 22:19

Rîu tungatagîrani Ngai-Mûnene na ngoro yonthe na meciria menyu monthe. Ûkîrani rîu mûtume hekarû ya Ngai-Mûnene, Ngai wenyu, nîguo îthandûkû rîa kîrîkanîro Kîam Ngai-Mûnene na indo irîa ntheru cia Ngai iretwe nyombarî îtumîtwe nîûndû wa Ngai-Mûnene.”

Ntha 24:8

Musa nîwocire nthakame îrîa yarî mbakûrirî na akîmîminjîria andû na akiuga atîrî, “Îno nîyo nthakame ya kîrîkanîro kîrîa Ngai-Mûnene aarîkanîre namue kîgiî maûndû mama monthe.”

Ntha 34:28

Musa nîwekarire vau varî Ngai-Mûnene mîthenya mîrongo îna ûtukû na mûthenya, na ndaanyua kana arîa kîndû kavinda kau konthe. Nake nîwandîkire ciugo cia kîrîkanîro na nîcio Maathani îkûmi ivengererî cia mathiga.

Gûco 31:26

“Ocani îvuku rîîrî rîa Watho na mûriige mwenarî wa îthandûkû rîa kîrîkanîro Kîam Ngai-Mûnene Ngai wenyu nîguo rîkarage vau rîrî ûira kûrî mue.

Gûco 9:11

Vuva wa mîthenya îo mîrongo îna, ûtukû na mûthenya, Ngai-Mûnene nîwamûvere ivengere icio igîrî cia îthiga irîa ciandîkîtwe kîrîkanîro.

Gûco 9:9

Rîrîa naaunûkirie kîrîmarî nîguo ngamûkîre ivengere cia îthiga irîa ciandîkîtwe kîrîkanîro kîrîa Ngai-Mûnene aarûthire namue, nînekarire kîrîmarî kîu mîthenya mîrongo îna, ûtukû na mûthenya ndakûrîa kana kûnyua kîndû.