1Atha 8:11 - ÎVUKU RÎA ÛVORO MWARO

¹¹ Kwoguo athînjîri-Ngai matingîavotire kûthiî na mbere kûruta wîra nîûndû wa îtu, nîûndû riiri wa Ngai-Mûnene nîwecûrîte hekarûrî.

1Atha 8:11 ပူးပေါင်းရင်းမြစ်များ

1Atha 8:10

Rîrîa athînjîri-Ngai maaumaga vandû varîa vatheru, îtu nîrîecûrire kûu hekarûrî wa rîmwe.

1Atha 8:12

Solomoni nîwacokire akîvoya atîrî, “We Ngai-Mûnene waigire riûa îgûrû, nwatî wendire gûtûûra ndumarî îno ndumanu.

2Maû 5:14

na athînjîri-Ngai matingîavotire kûthiî na mbere na wîra wao nîûndû hekarû nîyecûrirwe nî ûkengu wa riiri wa Ngai-Mûnene.

Thaburi 90:16

Tûma ndungata ciaku cione ciîko ciaku cia vinya, na ûtûme njiarwa cietû cione riiri wa vinya waku.

Ntha 29:43

Nîngaatûngana na andû akwa a Isiraeli vau, na vinya wa riiri wakwa nîûgaatûma vandû vau vatuîke vatheru.

Ntha 40:34

Îtu nîrîacokire rîgîkunîkîra îgema rîa Ngai-Mûnene, naguo riiri wa Ngai-Mûnene ûgîcûra kuo.

Ntha 40:35

Nake Musa nîwaremirwe nî gûtonya îgemarî rîu rîa Ngai-Mûnene nîûndû wa riiri ûcio wa Ngai-Mûnene.

Isaia 6:1

Mwaka ûrîa mûthamaki Uzia aakwire, nînonire Mwathani ekarîrîte gîtî gîake Kîam ûthamaki kîrî vandû îgûrû mûno; nayo nguo yake ndaca yecûrîte hekarûrî yonthe.

Ezek 10:4

Naguo riiri wa Ngai-Mûnene nîwaunûkirie umîte kûrî Akerubi ûkîthiî ûkîrûngama kîvingorî Kîam hekarû. Hekarû nîyecûrirwe nî îtu, nayo nja ya hekarû îgîcûra ûkengu wa riiri wa Ngai-Mûnene.

Ezek 43:2

Riiri wa Ngai wa Isiraeli nîwaûkire umîte na mwena wa îrathîro. Naguo mûgambo wa Ngai warî ta mûrurumo wa manjî ma îria, nayo nthî nîyagîre na ûtheri wa riiri wake.

Ezek 44:4

Mûndû ûcio nîwacokire akîmbira mwena wa mbere wa hekarû tûvîtûkîrîrîte mûrangorî wa mwena wa rûgûrû. Nînaroririe na ngîona hekarû îcûrîte riiri wa Ngai-Mûnene, ngîcoka ngîturumithia ûthiû wakwa nthî.

Alawi 9:23

Musa na Aroni nîmaatonyire îgemarî rîa Ngai-Mûnene, na rîrîa maaumire kuo, nîmaarathimire andû naguo riiri wa Ngai-Mûnene nîwaumîrîre andû onthe.

Alawi 9:6

Musa nîwerire andû atîrî, “Ngai-Mûnene amwathîte mûvingie maûndû mau monthe nîguo riiri wake ûmumîrîre.”

Hagai 2:7

Nîngainainia mavûrûri monthe, na nîguo mîthithû yonthe ya mavûrûri îkaaretwe gûkû, na nîngecûria hekarû îno ûthaka wayo, nînie Ngai-Mûnene mwene vinya wonthe nauga ûguo.

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Ciîko 7:55

Nwatî Stefano ecûrîtwe nî Roho Mûtheru, nîwaroririe îgûrû akîona riiri wa Ngai na Jesû arûngamîte mwena wa ûrîo wa Ngai.

Aroma 9:4

Andû acio nî Aisiraeli na nîo Ngai aatuire ciana ciake na akîmaguûrîria riiri wake. Ke nîwathondekire irîkanîro nao na akîmava watho. Andû acio nîmamenyete kûgooca Ngai nama na nîmamûkîrîte ciîranîro ciake.

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Kûguû 21:11

rîgîkengaga nî riiri wa Ngai. Îtûûra rîu rîakengete ta îthiga rîa goro, kana ta gîcicio na rîrî rîtheru ta îra.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.