1Atha 8:1 - ÎVUKU RÎA ÛVORO MWARO

¹ Mûthamaki Solomoni nîwacokire agîta athuuri onthe a Isiraeli na atongoria onthe a mîvîrîga na atongoria a mbarî cia andû a Isiraeli mathiî kûrî ke kûu Jerusalemu nîguo magakuue îthandûkû rîa Kîrîkanîro Kîam Ngai-Mûnene kuuma Zayuni, îtûûra rînene rîa Daudi marîvire hekarûrî.

1Atha 8:1 ပူးပေါင်းရင်းမြစ်များ

2Sam 6:6

Rîrîa maakinyire Nakoni Makori varîa ngano ciavûûragîrwa, ndegwa nîciavîngirwe. Nake Uza nîwanyitîrîre îthandûkû rîa Kîrîkanîro nîguo rîtikagwe.

1Atha 2:10

Daudi nîwakwire na akîthikwa îtûûrarî rînene rîa Daudi.

1Atha 3:15

Solomoni nîwaramûkire na akîmenya atî nî Ngai wamwaragîria na njîra ya kîroto. Nîwacokire akîthiî Jerusalemu na akîrûngama vau mbere ya îthandûkû rîa kîrîkanîro Kîam Ngai-Mûnene. Nîwarutire matega ma kûvîvua na ma thayû na akîrûthîra ndungata ciake cionthe kîrugo.

1Maû 11:7

Daudi nîwacokire akîthiî gûtûûra kûndû kûrîa kwarî kûgitîre mûno, kwoguo nîgwacokire gwîtagwa “Îtûûra rîa Daudi.”

1Maû 15:25

Mûthamaki Daudi, atongoria a Isiraeli na anene a athigari a mbaara nîmaathiîre makenete nyomba kwa Obedi-edomu kûgîra îthandûkû rîa kîrîkanîro Kîam Ngai-Mûnene.

1Maû 15:29

Rîrîa îthandûkû rîa kîrîkanîro Kîam Ngai-Mûnene rîatonyaga îtûûrarî rînene rîa Daudi, Mikali mwarî wa Saûlo nîwaroretie arî ndiricarî ya nyomba. Rîrîa oonire mûthamaki Daudi akîinia arî na gîkeno nîwamûnyararire.

1Maû 15:3

Daudi nîwagomanirie andû onthe a Isiraeli kûu Jerusalemu nîguo mavire îthandûkû rîa kîrîkanîro Kîam Ngai-Mûnene varîa aarîtumîrîte.

1Maû 28:1

Mûthamaki Daudi nîwathanire anene onthe a Isiraeli magomane Jerusalemu. Nao anene onthe a mîvîrîga, anene a ikundi cia andû arîa maarutaga wîra wa mûthamaki, anene a athigari ngiri îmwe, anene a athigari îgana, atongoria arîa maamenyagîrîra indo na ndîthia ya mûthamaki, avîcî ake, anene a mûciî wa mûthamaki na athigari na andû arîa maarî îgweta nîmaagomanire Jerusalemu.

2Maû 30:1

Mûthamaki Hezekia nîwatûmanire Isiraeli kuonthe na Juda na nîwandîkire maarûa agîtûmîra andû a Efiraimu na Manase. Aametire nîguo mathiî Jerusalemu hekarûrî magakûngûîre kîrugo Kîam pasaka ya Ngai-Mûnene, Ngai wa Isiraeli.

Ezira 3:1

Mwerirî wa mûgwanja andû a Isiraeli onthe maarî matûûrarî mao. Kwoguo onthe nîmaacokire makîgomana vamwe kûu Jerusalemu.

Thaburi 102:21

Kwoguo andû nîmakaanîrîra rîîtwa rîa Ngai-Mûnene Zayuni, ngumo yake nîkaanîrîrwa kûu Jerusalemu,

Thaburi 9:11

Inani nyîmbo cia gûkumia Ngai-Mûnene, ûrîa ûtûûraga Zayuni! Îrani andû a onthe ûrîa Ngai-Mûnene ekîte.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Ndari 1:4

Mûtongoria ûmwe kuuma kûrî wa mûvîrîga wa Isiraeli nîakaamûtethereria gûtara andû.”

Josh 23:2

Joshua nîwetire andû onthe a Isiraeli, athuuri, atongoria, atirîrîri vûrûri na anene a andû na akîmeera atîrî, “Rîu nîrî mûkûrû mûno

Josh 24:1

Joshua nîwacokire agîta andû a mîvîrîga yonthe ya Isiraeli. Nao nîmaagomanire vamwe Shekemu. Nîwetire athuuri, atongoria, atirîrîri vûrûri na anene a andû a Isiraeli mathiî vakuvî na îgema rîrîa rîamûre.

1Pet 2:6

Nîûndû mandîkorî matheru Ngai augîte atîrî, “Nîngwiga îthiga rîrîa nthuurîte Zayuni, îthiga rîu nî rîa goro. Mûndû wa wonthe ûmwîtîkagia ndagaaconorithua.”