Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1Atha 7:50 - ÎVUKU RÎA ÛVORO MWARO

50 ikombe, tûnyamû twa kûnyitîrîra ndambi, mbakûri, mbakûri cia ûbani, tûraî twa gûkuua makara marî na mwaki, na irenji cia mîrango ya vandû varîa vatheru Mûno na cia mîrango ya nja ya hekarû.

အခန်းကိုကြည့်ပါ။ ကော်ပီ




1Atha 7:50
11 ပူးပေါင်းရင်းမြစ်များ  

Mbeca irîa ciarutagwa hekarûrî itiatûmîrwa kûrûtha tûraî twa sîlûva, tûnyamû twa gûtinia ndambi, mbakûri, tûrumbeta, kana tûnyamû tûrûthîtwe na thaavu kana sîlûva.


na magîkuua tûraî twa mwaki na mbakûri. Nebuzaradani nîwakuuire indo irîa ciarûthîtwe na sîlûva na thaavu.


Ûcoke ûrûthe thaani, na mbakûri cia gwîkîrwa ûbani, na ûrûthe mbakûri na njagi cia gwîkîra ndivei vîndî ya matega ma ndivei. Indo icio cionthe irûthwe na thaavu ntheri.


Nacio icûvî cia kûnyitîrîra ndambi na rûgîo rwa ndambi irûthwe na thaavu ntheri.


Na ûkaarûtha nyûngû cia gwîkîra mûu ûrîa ûrî na mathuma, indo cia kûng'ara, mbakûri, mînyoge na rûgîo rwa mwaki. Indo icio cionthe irûthwe na gîcango.


Nîmaakuire tûbakûri tûnini, ngîo cia gûkuua mwaki, mbakûri, nyûngû, vandû va kwigîrîrwa taa, mbakûri cia kûvîvîria ûbani na mbakûri cia magongoona ma gwîtûrûra ndivei. Mûnene wa arangîri nîwakuire indo irîa ciarî cia thaavu na sîlûva.


Nîwathimire ûraca wa kanyomba ko kene, nako kaarî ka ûraca wa mita îkûmi (10), na wariî wa mita îkûmi (10). Kanyomba kau kaarî hekarûrî mbere ya vandû varîa vatheru Mûno. Mûndû ûcio nîwambîrire atîrî, “Ava nîvo vandû varîa vatheru Mûno.”


nîagooca kanyûngû ga kûvîvîrua ûbani gecûrîte makara marî na mwaki na ngundi igîrî ciîcûrîte ûbani mûnungi waro na aivire vandû varîa vatheru Mûno.


Vîndî îo mbugi irîa ciîthagîrwa ciîkîrîtwe mbarathi nîikaandîkwa “CIAMÛRÎRÎTWE NGAI-MÛNENE,” nacio nyûngû irîa irî hekarûrî ya Ngai ikethîrwa irî nyamûre wata mbakûri irîa irî metharî ya kîgongoona.


Nacio thaani irîa îkûmi na igîrî cia thaavu ciîcûrîte ûbani wa îmwe yarî na ûrito wa ngiramu îgana rîa îkûmi (110 g) kûringana na kîthimi kîrîa gîtîkîrîku. Icio cionthe ciarî na ûrito wa kilo îmwe na ngiramu magana mathatû ma mîrongo îîrî (1.320 kg).


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ