1Atha 7:40 - ÎVUKU RÎA ÛVORO MWARO

⁴⁰ Hiramu nîwacokire akîrûtha nyûngû, iciko cia gûtava na mbakûri. Kwoguo Hiramu nîwarîkirie wîra ûcio wonthe aarutagîra Solomoni wa kûmûrûthîra hekarû. Indo icio aarûthire ciarî;

1Atha 7:40 ပူးပေါင်းရင်းမြစ်များ

1Atha 7:28

Ikaari icio ciarûthîtwe na cuuma na gatagatî ga cuuma icio kwarî na mbaû.

1Atha 7:39

Nîwacokire akiga ikaari ithano mwena wa îveti wa hekarû na icio ciîngî ithano agîciga mwena wa rûgûrû wa hekarû. Nîwaigire îtangi mûthiiarî wa mwena wa îrathîro kwerekera mwena wa îveti wa hekarû.

1Atha 7:41

itugî igîrî, ikunîko igîrî cia gûkunîkîra itugî, neti igîrî cia gûkunîkîra ikunîko icio,

1Maû 18:8

Kuuma îtûûrarî rîa Tibuhathi na rîa Kuni, matûûra marîa maathagwa nî Hadadezeri, Daudi nîwatavire gîcango kîngî mûno. Gîcango kîu nîkîo Solomoni aavûthîre gûtuma îtangi (rîrîa rîetagwa Îria), itugî na indo cia hekarû.

2Maû 4:6

Mûthamaki Solomoni nîwacokire akîrûtha tûraî îkûmi twa kwîthambîria. Nîwaigire tûraî tûtano mwena wa îveti na tûtano mwena wa rûgûrû. Tûraî tûu twatûvûthagîra na kûthambîria indo cia matega ma kûvîvua, nwatî manjî ma îtangi maavûthagîrwa nî mûthînjîri-Ngai kwîthambia namo.

2Maû 4:8

Nîwacokire agîtuma metha îkûmi na agîciga hekarûrî. Nîwaigire metha ithano mwena wa îveti na icio ciîngî ithano agîciga mwena wa rûgûrû. Nîwacokire akîrûtha mbakûri îgana rîmwe cia thaavu.

Ntha 24:6

Musa nîwocire nuthu ya nthakame ya nyamû icio na akîmîkîra mbakûrirî, nayo nuthu îo îngî akîminjaminja metharî ya kîgongoona.

Ntha 27:3

Na ûkaarûtha nyûngû cia gwîkîra mûu ûrîa ûrî na mathuma, indo cia kûng'ara, mbakûri, mînyoge na rûgîo rwa mwaki. Indo icio cionthe irûthwe na gîcango.