1Atha 6:29 - ÎVUKU RÎA ÛVORO MWARO

²⁹ Nthingo cionthe cia hekarû na cia vandû varîa vatheru Mûno ciagemetue na mîvuano ya Akerubi yacîtwe, mîtî ya mîkîndû na maûa marî matumûku.

1Atha 6:29 ပူးပေါင်းရင်းမြစ်များ

1Atha 6:18

Ndaarî ya hekarû kwathiûrûrûkîrîtue na mbaû cia mîtarakwe ciacîtwe mîvuano ya matunda ma maage na maûa marî matumûku. Ndaarî kuonthe gwakunîkîtwe na mbaû cia mîtarakwe na gûtiarî na îthiga wanarî rîmwe rîonekaga.

1Atha 6:28

Akerubi acio maavakîtwe thaavu.

1Atha 6:30

Kûu nthî nyombarî cia ndaarî na cia nja kwavakîtwe thaavu.

1Atha 6:32

Mîrango îo îîrî yagemetue na mîvuanano ya akerubi, mîtî ya mîkîndû na maûa marî matumûku. Mîrango, akerubi, na mîtî ya mîkîndû ciavakîtwe thaavu kuonthe.

2Maû 3:14

Nîwatumire gîtambaa Kîamro na ndigi cia rangi wa vururu, njambarawe na rangi ndune gîa kûgaania vandû varîa vatheru mûno. Nîwagemirie gîtambaa kîu na mîvuano ya akerubi.

2Maû 3:7

Nîwavakire thaavu hekarûrî îgûrû mwena wa ndaarî, nthingorî, itugîrî cia kûrûngamia mîrango, mîrangorî na nîwacire mîvuano ya akerubi nthingorî.

Thaburi 103:20

Kumiani Ngai-Mûnene, mue araika arîa anene na marî vinya, mue mwathîkagîra watho wake na mwîkaga ûrîa augîte.

Thaburi 148:2

Mûkumieni mue araika ake onthe, mûkumieni mue athigari a îgûrû!

Thaburi 74:6

Nîmaaunangire mîrango ya hekarû, na mathanwa na nyondo.

Ntha 26:1

Ngai-Mûnene nîwacokire akîra Musa atîrî, “Ûgaatuma îgema rîa gûcemanîrua na itambaa îkûmi cia nguo ya vamba itumîtwe na ndigi cia rangi ya vururu, njambarawe, na rangi îno ndune. Gîtambaa kîu kîgemue na wara na mîvuanano ya akerubi.

Ntha 36:8

Andû arîa maarî na wara mwîngî gûkîra arîa engî nîo maarutaga wîra wa gûtuma îgema rîa Ngai-Mûnene. Maarîtumire na itambaa îkûmi cia nguo mbaro itumîtwe na ndigi cia rangi wa vururu, njambarawe, na cia rangi ndune na igemetue na akerubi.

Ezek 40:16

Tûnyomba tûu twarî na tûtirica nthingorî cia mwena wa na nja cia wa kanyomba wa kanyomba, wana nthingorî irîa ciagaanîtie tûnyomba tûu. Mwena wa ndaarî ûrîa werekerete gacîra ga kûvîtûkîrîra kwarî na mbica cia mîtî ya mîkîndû ciacîtwe nthingorî.

Ezek 41:18

cia Akerubi na mîtî ya mîkîndû. Mbica ya Kerubi yatigithanîtue na mbica ya Kerubi ûcio wîngî nî mûtî wa mûkîndû ithiûrûrûkîrîtie nyomba yonthe. Wa Kerubi aarî na mothiû maîrî:

Aefeso 3:10

Na nîguo rîu na njîra ya kanitha athani na maavinya ma îgûrû mamenyithue ûrîa Ngai arî mûûgî maûndûrî monthe.

Kûguû 7:9

Vuva wa ûguo nie nînaroririe na ngîona kîrîndî Kîam andû gûtarî mûndû ûngîavotire kûmatara. Andû acio maaumîte mavûrûrirî monthe, mîvîrîgarî yonthe, irukarî cionthe, na nthiomirî cionthe. Nao onthe maarûngamîte vau mbere ya gîtî Kîam ûthamaki na ya Gatûrûme, mekîrîte nguo cia rangi njerû na manyitîte mathîgî ma mîkîndû njararî ciao.