1Atha 5:8 - ÎVUKU RÎA ÛVORO MWARO

⁸ Nîwacokire agîtûmana kûrî Solomoni akiuga atîrî, “Nînegua ndûmîrîri yaku na nîngwîka ûguo wambîra. Nîngûgûtemera mîtarakwe wana mîvondo.

1Atha 5:8 ပူးပေါင်းရင်းမြစ်များ

2Sam 6:5

Daudi na Aisiraeli onthe nîmaainire makîrûgaga na vinya wao wonthe nîguo makumie Ngai-Mûnene. Vîndî îo nîmaavûraga ngita, mîtûrirû, ndarama na ithaani irîa iringithanagua.

1Atha 5:7

Rîrîa Hiramu eegwire ndûmîrîri ya Solomoni nîwakenire mûno na akiuga atîrî, “Ngai-Mûnene arogoocwa ûmûnthî nîûndû wa kûva Daudi mûvîcî ûrî na ûûgî nîguo atuîke mûthamaki wa vûrûri ûcio mûnene ûguo vuva wake!”

1Atha 5:9

Ndungata ciakwa nîikaanyûrûrûkia mîtî îo kuuma Lebanoni nginya îriarî, na nîngaamîovania na nîmikie îriarî înyûrûrûkue nî manjî nginya varîa ûkwenda njoke nîmîovorere vo. Nawe ûcoke ûmve irio cia kûrîwa nî andû a nyomba yakwa.”

1Atha 6:15

Mîena ya ndaarî ya nthingo cia hekarû nîciakunîkirwe na mbaû cia mîtarakwe kuuma nthî nginya îtara. Nakuo kûu nthî ya hekarû nîgwakunîkirwe na mbaû cia mîvondo.

1Atha 6:34

Kwarî na mîrango îîrî yatumîtwe na mbaû cia mîtî ya mîvondo. Wa mûrango nîwakûnjagwa vamwe.

2Maû 2:16

Tûgaagûtemera mîtî îrîa ûkwenda ya mîthithinda kuuma kîrîmarî Kîam Lebanoni na tûmîovanie na tûmikie manjîrî yûke nginya Jopa kûrî we. Nîûgaacoka ûmîvire Jerusalemu.”

2Maû 3:5

Ndaarî ya hekarû nîwamîvûrîre mbaû cia mîtarakwe na nîwaivakire thaavu ntheri. Nîwacokire akîmîgemia na mîcoro yekariî ta mîtî ya mîkîndû na mîkathî.