1Atha 4:25 - ÎVUKU RÎA ÛVORO MWARO

²⁵ Vîndî îrîa yonthe Solomoni aarî mwoyo, andû a Juda na a Isiraeli kuuma Dani kûthiî nginya Beerisheba maatûûraga na thayû, wa mûndû arî na mîthavibu na mîkûyû yake.

1Atha 4:25 ပူးပေါင်းရင်းမြစ်များ

2Sam 17:11

Ûrîa ngûgûtaara nî atî, ûcokanîrîrie Aisiraeli onthe vamwe kuuma Dani nginya Berisheba, mengîve ta mûthanga ûrîa wîthagîrwa ûrî rûtererî rwa îria, na ûmatongorie mbaararî we mwene.

2Sam 24:15

Kwoguo Ngai-Mûnene nîwatûmire kûgîe na mûthiro kûu Isiraeli kuuma kîraûko kîu nginya îvinda rîrîa aatuîte. Vûrûri ûcio wonthe kuuma Dani nginya Beeri-shiba Aisiraeli ngiri mîrongo mûgwanja nîmaakwire.

2Atha 18:31

Mûtikathikîrîrie Hezekia, nîûndû mûthamaki wa Asîria augîte atî, mwîgucane nake na mwînenganîre kûrî ke. Mue muonthe nîmûgaacoka mûrîcage thavibu kuuma mîthaviburî yenyu, na ngûû kuuma mîkûyûrî yenyu, na mûnyunyage manjî kuuma ithimarî cienyu,

1Maû 22:9

Ngai-Mûnene nîwambîrire atî, nîngaagîa na mwana wa kavîcî na akethîrwa arî mûndû wa thayû. Nîakaagîa na thayû kuuma kûrî nthû ciake cionthe irîa ikethîrwa imûthiûrûrûkîrîtie. Rîîtwa rîake ageetagwa Solomoni na nîakaava Isiraeli thayû rîrîa akethîrwa arî mûthamaki.

Isaia 36:16

Mûthamaki wa Asîria arauga mûtikathikîrîrie Hezekia; gîani na thayû nanie na mûke kûrî nie, na wa mûndû wa mûndû akaarîcaga matunda ma mûthavibu wake ke mwene, na ma mûkûyû wake ke mwene, na wa mûndû anyunyage manjî kuuma kîrikorî gîake ke mwene,

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Ezek 38:11

ûkiugaga atî, ‘Nîngûtharîkîra vûrûri ûrîa ûrî na icagi itarî ngitîre na rûthingo kûrîa andû matûûraga marî na thayû. Andû a kûu matûûraga icagirî itarî mbirigîre na itarî na mîrango ya kûvinga.’

Ezek 39:26

Rîrîa magaatûûra vûrûrirî wao matagwîtigîra na marî na thayû, nîmakaariganîrwa nî ûrîa maaconorithîtue nîûndû wa kûndiganîria.

Mika 4:4

Andû onthe magaatûûra na thayû, wa mûndû agekaraga rungu rwa mîthavibu kana mîkûyû yake, na gûtirî mûndû ûgaatûma magîe na guoya, nîûndû Ngai-Mûnene Mwene Vinya Wonthe nîke ugîte ûguo.

Zakaria 3:10

Mûthenya ûcio wakinya, wa mûndû wa mûndû nîagetaga mûndû ûrîa mariganîtie nake athiî magekare rungu rwa mîthavibu na rungu rwa mîkûyû makenere thayû na ûgacîru wa vûrûri. Ûgo nîguo Ngai-Mûnene mwene vinya wonthe arauga.”

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.

1Sam 3:20

Nao andû a Isiraeli, kuuma Dani nginya Berishiba nîmaamenyire atî, na ma Samueli aarî mûrathi wa Ngai-Mûnene.