1Atha 4:13 - ÎVUKU RÎA ÛVORO MWARO

¹³ Benigeberi aathanaga îtûûrarî rîa Ramothi rîrîa rîarî Gileadi na icagi cia Gileadi cia mûvîrîga wa Jairi. Jairi aarî wa rûciaro rwa Manase. Nwa wathaga vûrûri wa Arigobu kûrîa Bashani na kûu nîkuo kwarî na matûûra mîrongo îtandatû marîa manene mairigîrîtwe na nthingo, na ivingo ciathondeketwe na cuuma cia gîcango.

1Atha 4:13 ပူးပေါင်းရင်းမြစ်များ

1Atha 22:3

Ahabu nîwaûririe ndungata ciake atîrî, “Nîmwicî atî Ramothi-gileadi nî gwetû? Nîndûî kîratûma tûrega kûthiî gûtava îtûûra rîu kuuma kûrî mûthamaki wa Sîria?”

2Atha 9:1

Mûrathi Elisha nîwacokire agîta ûmwe wa gîkundi Kîam arathi na akîmwîra atîrî, “Îîvarîrie na woce mûcuva ûyû wa maguta na ûthiî Ramothu kûu Gileadi.

2Atha 9:14

Jehu nîwacokire akîvanga ûrîa akûragithia mûthamaki Joramu. (Vîndî îo, Joramu vamwe na anene acio engî onthe maarangîrîte îtûûra rîa Ramothu kûu Gileadi nîûndû wa Hazaeli, mûthamaki wa Sîria;

1Maû 2:23

Nwatî mothamaki ma Geshuri na Aramu nîmaarûire na Jairi na makîîgwatîra matûûra mîrongo îtandatû, wa vamwe na icagi cia Jairi na Kenathi na matûûra marîa maarî vakuvî. Andû onthe arîa maatûûraga kûu maarî njiarwa cia Makiru, îthe wa Gileadi.

Thaburi 22:12

Nthû nyîngî inthiûrûrûkîrîtie ta ndegwa, inthiûrûrûkîrîtie ta ndegwa mbaganu cia vûrûri wa Bashani.

Thaburi 68:15

We kîrîma kînene, kîrîma Kîam Bashani, we kîrîma kîrî na tûcûmbîrî twîngî, kîrîma Kîam Bashani!

Ndari 32:41

Jairi, wa mûvîrîga wa Manase nîwatharîkîre icagi imwe cia Gileadi na agîitava, agîcoka akîiva marîîtwa (Icagi cia Jairi).

Gûco 3:10

Nîtwatavire mavûrûri monthe ma Ogu, mûthamaki wa Bashani, matûûra monthe marîa maarî kûndû kûrîa kwaraganu, icunjî cia Gileadi na Bashani, na mwena wa îrathîro nginya matûûra ma Saleka na Edirei.

Gûco 3:4

Nîtwacokire tûgîtava matûûra make monthe. Matûûra monthe marîa twatavire maarî mîrongo îtandatû (60), gîcunjî kîonthe Kîam Arigobu, kûrîa Ogu, mûthamaki wa Bashani aathanaga.

Gûco 3:8

“Kwoguo, nîtwocire vûrûri ûrîa wathagwa nî athamaki aîrî a Aamori, ûrîa warî mwena wa îrathîro wa rûnjî rwa Jorodani, kuuma rûnjîrî rwa Arinoni nginya kîrîma Kîam Herimoni.

Gûco 4:43

Nîwamûrire îtûûra rîa Bezeri rîrîa rîrî werûrî kûndû kûrîa kwaraganu rîtuîke rîa andû a mûvîrîga wa Reubeni, na îtûûra rîa Ramothi rîrîa rîrî vûrûrirî wa Gileadi rîtuîke rîa mûvîrîga wa Gadi, na îtûûra rîa Golani rîrîa rîrî vûrûrirî wa Bashani rîtuîke rîa mûvîrîga wa Manase.

Josh 20:8

Naguo mûringo wa rûnjî rwa Jorodani, îrathîro rîa Jeriko nîmaathuurire Bezeri vûrûrirî wa Reubeni, Ramothi vûrûrirî wa Gileadi kuuma mûvîrîgarî wa Gadi na Golani îrîa îrî Bashani vûrûrirî wa Manase.

Josh 21:38

Kuuma mûvîrîgarî wa Gadi nîmaaveerwe Ramothu îtûûra rîrîa rîrî Gileadi (îtûûra rîmwe rîa kwîthitha), Mahanaimu,