1Atha 4:12 - ÎVUKU RÎA ÛVORO MWARO

¹² Baana, mûvîcî wa Ahiludi aathanaga matûûra marîa manene ma Taanaki, Megido na Bethishani kuonthe kûrîa kwarî vakuvî na Zarethani, îrîa îrî mwena wa îveti wa îtûûra rîa Jezireeli, na kuuma Bethishani nginya Abeli-mehola na mwena ûcio wîngî wa Jokimeamu.

1Atha 4:12 ပူးပေါင်းရင်းမြစ်များ

1Atha 18:46

Vinya wa Ngai-Mûnene nîwatoonyire kûrî Elija; nîwacinîkîre nguo yake ndaca kîûnûrî na akîvinyûra mbere ya Ahabu nginya kîvingorî Kîam Jezireeli.

1Atha 19:16

wîtîrîrie Jehu mûvîcî wa Nimushi maguta nîguo atuîke mûthamaki wa Isiraeli, na wîtîrîrie Elisha mûvîcî wa Shafati kuuma Abeli Mehola maguta nîguo atuîke mûrathi vuva waku.

1Atha 7:46

Mûthamaki Solomoni aarûthithîrie indo icio Jorodani kûndû kûrîa kwaraganu kwarî na mûthetu wa yûmba gatagatîrî ga Sukothu na Zarethani.

1Maû 6:68

Jokimeamu, Bethi-horoni,

Josh 12:22

Îtûûra rîa Kedeshi, Jokineamu rîrîa rîrî Karimeli,

Josh 17:11

Mavûrûrirî marîa maagaîrwe Isakaru na Asheri kwarî na matûûra manene na icagi irîa ciarî vakuvî namo na maagaîrîtwe mûvîrîga wa Manase. Matûûra mau maarî: Bethi Shani na Ibileamu, Doru (rîrîa rîrî rûtere rwa îria), Endoru, Taanaki, Megido, vamwe na icagi irîa ciarî vakuvî namo.

Josh 3:16

manjî marîa maanyûrûrûkaga nîmaarûngamire na makîyûmba vamwe. Maarûngamire varaca vandû vetagwa Adamu, îtûûra rîrîa rîrî vakuvî na Zarethani. Manjî nî maatigire kûnyûrûrûka îriarî rîa Cumbî, nao andû makîringîra nthî nyûmû vakuvî na Jeriko.

Atir 5:19

Athamaki nî maaûkire na makîrûa mbaara, athamaki a Kanaani maaûkire na makîrûa. Maarûîre Taanaki vakuvî na karûnjî ka Megido; nwatî matiatava wanarî sîlûva.

Atir 7:22

Vîndî wa îo andû a Gideoni maavuvaga tûrumbeta, Ngai-Mûnene nîwatûmire andû a Midiani matemangane na mviû ciao. Nîmaathiîre merekerete Zarethani nginya magîkinya Bethishita, na îtûûrarî rîa Abeli-mehola vakuvî na Tabathi.

1Sam 18:19

Nwatî rîrîa îvinda rîakinyire rîa Merabu kûvecanwa kûrî Daudi, vandû va ûguo nîwavecanirwe kûrî mûndû wetagwa Adirieli wa kuuma Mehola nîguo atuîke mûndûmûka wake.

1Sam 31:10

Nîmaacokire makiga nguo ciake cia mbaara hekarûrî ya Ashitorathu, ngai yao na makîvûrîra kimba gîake na mîcumarî rûthingorî rwa îtûûra rîa Bethi Shani.

1Sam 31:12

andû onthe arîa aûmîrîru mûno nîmaathiîre ûtukû mûgima nginya magîkinya Bethi Shani. Nîmaacurûkirie mwîrî wa Saûlo na mîîrî ya anake ake kuuma rûthingorî, makîmîvira Jabeshi na makîmîvîvîria kuo.