1Atha 3:7 - ÎVUKU RÎA ÛVORO MWARO

⁷ Na rîu Ngai-Mûnene, Ngai wakwa, nîûmvotithîtie gûtuîka mûthamaki vuva wa vava Daudi, wana ethîrwa ndirî mûkûrû na ndiîcî kwathana.

1Atha 3:7 ပူးပေါင်းရင်းမြစ်များ

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

1Maû 22:5

Daudi nîwaugire atîrî, “hekarû îrîa mûvîcîwa Solomoni agaatumîra Ngai-Mûnene îkethîrwa îrî nene na nthaka na îkaagîa ngumo nthî yonthe. Nwatî ke nî mwîthî na tîmûmenyu maûndû marîa agîrîrwe nî kûmenya, kwoguo nînie ngûvarîria gûtumwa kwayo.” Nake Daudi nîwaûnganirie indo nyîngî mûno cia gûtuma hekarû mbere ya akua.

1Maû 22:9

Ngai-Mûnene nîwambîrire atî, nîngaagîa na mwana wa kavîcî na akethîrwa arî mûndû wa thayû. Nîakaagîa na thayû kuuma kûrî nthû ciake cionthe irîa ikethîrwa imûthiûrûrûkîrîtie. Rîîtwa rîake ageetagwa Solomoni na nîakaava Isiraeli thayû rîrîa akethîrwa arî mûthamaki.

1Maû 29:1

Mûthamaki Daudi nîwacokire akîra andû onthe arîa maagomanîte atîrî, “Mûvîcîwa Solomoni ûrîa Ngai athuurîte, nî mûndû mwîthî na ndarî na kîrîra kîîngî na wîra nî mûnene nîûndû nyomba îno tî ya mûndû, nwatî nî hekarû ya Ngai-Mûnene, Ngai.

Thaburi 121:8

Ngai-Mûnene agaakûmenyagîrîra ûkiumagara na ûgîcoka; kuuma rîu nginya tene na tene.

Nthi 18:12

Mwîtîîo wa ngoro nîûcûkangagia mûndû, nwatî wînyivia nîûtûmaga mûndû avewe gîtîîo.

Mûvunjia 10:16

We vûrûri ûrî na mûthamaki mûndû mwîthî kaî ûrî na thîna-î, na atongoria aku makûngûagîra kîrugo kîraûko!

Jeremia 1:6

Nînacokire ngiuga atîrî, “Ûûi, Mwathani Ngai-Mûnene! Taroria, nie ndiîcî kwaria na nîûndû nîrî mûndû mwîthî.”

Jeremia 1:7

Nwatî Ngai-Mûnene nîwambîrire atîrî, “Ndûkauge atî wî mûndû mwîthî; nwanginya ûthiî kûrî andû arîa ngûgûtûma kûrî o, na ûmeere ûrîa wonthe ngûkwatha.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 4:25

We nîûkengatwa ume kûrî andû ûthiî ûgatûûranagie na nyamû cia kîthaka, na ûtuîke wa kûrîcaga nyaki ta nyamû cia kîthaka. Ûkararaga nja na ûrivagwe nî îme îvinda rîa mîaka mûgwanja, nîguo ûmenye atî Ngai ûrîa wî îgûrû mûno nîke wathaga mothamaki monthe ma nthî na avecanaga ûthamaki ûcio kûrî mûndû wa ûrîa angîenda.

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Danieli 5:21

Nîwarutirwe gatagatîrî ka andû namo meciria make nîmaagarûrûkire magîtuîka ta ma nyamû. Ke aatûûranagia na nyûmbû, aarîcaga nyaki ta ndegwa, na aararaga nja akîrivagwa nî îme, nginya rîrîa atî Ngai Ûrîa ûrî Îgûrû mûno nîke wathaga mothamaki ma andû na nîke ûthuuraga ûrîa akwenda athanage mothamakirî mau.

Ndari 27:17

na ûrîa ûkaamathaga marî mbaararî nîguo matigekare ta ng'ondu itarî na mûrîthi.”

Johana 10:9

Nie nînie kîvingo. Mûndû wa wonthe ûvîtûkagîrîra varî nie agîtonya, nîakaavonoka; ke agaatonyaga na akauma na akona kîndû gîa kûrîa.

Gûco 31:2

na akîmeera atîrî, “Nie nîrî na ûkûrû wa mîaka îgana rîa mîrongo îîrî na ndirî na vinya wa kûvota kûruta wîra rîngî. Wana Ngai-Mûnene nîambîrîte atî ndikaaringa rûnjî rwa Jorodani.

1Sam 18:16

Nwatî andû onthe a Isiraeli na Juda nîmeendire Daudi nîûndû wa ûrîa aarî mûtongoria mwaro.