1Atha 3:14 - ÎVUKU RÎA ÛVORO MWARO

¹⁴ Na ethîrwa ûkambathîkagîra na ûvingagie mawatho na maathani makwa ta ûrîa aguo Daudi eekaga, nîngaakûva ûtûûro mûraca.”

1Atha 3:14 ပူးပေါင်းရင်းမြစ်များ

1Atha 11:34

Nwatî ndigaacuuna Solomoni ûthamaki wonthe, na nîngûtûma atûûre arî mûthamaki ûtûûrorî wake wonthe. Ngeeka ûguo nîûndû wa gîtîîo Kîam ndungata yakwa Daudi, ûrîa naathuurire na akîathîkîra mawatho makwa na irîra irîa naamwathire.

1Atha 15:5

Ngai-Mûnene eekire ûguo nîûndû Daudi eekaga maûndû marîa maakenagia Ngai-Mûnene na ûtûûrorî wake wonthe ndaanarega kwathîkîra mawatho marîa aamwathîte, tiga ûvoro wîgiî Uria, ûrîa Mûhiti.

1Atha 3:3

Solomoni nîwendeete Ngai-Mûnene na nîwavingagia mawatho ma îthe Daudi. Nwatî nîwarutagîra magongoona na ûbani irîmarî.

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

1Maû 28:7

Nîngaatûma ûthamaki wake ûtûûre tene na tene ethîrwa nî agûtûûra athîkagîra mawatho na maathani makwa ta ûrîa ekaga rîu.’

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 29:2

Nîwekire maûndû marîa maakenagia Ngai-Mûnene wata ûrîa îthe Daudi eekîte.

2Maû 34:2

Josia nîwekire maûndû marîa maakenagia Ngai-Mûnene na nîwarûmîrîre mîthiîre ta îrîa yarî na îthe Daudi na nîwarûmîrîre mawatho monthe ma Ngai-Mûnene.

Thaburi 132:12

Ethîrwa ciana ciaku nîikaavingia kîrîkanîro gîakwa, na maathani makwa marîa ngaamathomithia, anake ao wanao magaatuîka athamaki tawe.”

Thaburi 21:4

Aakûûririe ûmûve ûtûûro, na Nîwamûvere guo, na nîwamûvere ûtûûro wa tene na tene.

Thaburi 21:5

Nîagîte na riiri mwîngî nîûndû wa ûtethio waku, nîûtûmîte agîe na ngumo na gîtîîo.

Thaburi 91:16

Nîngaatûma atûûre kavinda karaca, na nîngaamûvonokia.”

Nthi 3:16

Ûûgî ûvecaga mûndû ûtûûro mûraca, na nîûvecaga mûndû ûtonga na gîtîîo.

Nthi 3:2

Nîûndû nîmagaatûma mîthenya yaku yongerereke, na ûtûûre mîaka mîîngî ûrî mûthatûke.

Zakaria 3:7

“Ngai-Mûnene mwene vinya wonthe augîte ûngîathîkîra maathani make na ûrûmagîrîre maûndû marîa akwathîte, nîagaakûva ûvoti wathanage hekarûrî yake na ivaarorî ciayo, na nîagaagwîtîkîria ûtungatage ta ûrîa aya marûngamîte ava matungataga.

Ciîko 13:22

Na rîrîa Ngai aamûrutire wathanirî, Ngai nîwathuurire Daudi nîguo atuîke mûthamaki wao. Nake Ngai nîwarutire ûira wîgiî Daudi na akiuga atîrî: ‘Nie nîmonete atî Daudi mûrû wa Jesse nîke mûndû ûrîa ngoro yakwa îthuurîte. Ke nîke ûgwîka maûndû monthe marîa nie ngwenda eke.’

Gûco 25:15

Tûmagîrani ithimi irîa mbagîrîru na cia ma, nîguo mûtûûre mîaka mîngî vûrûrirî ûrîa Ngai-Mûnene, Ngai wenyu akûmûva.

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Gûco 5:33

Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.