1Atha 3:1 - ÎVUKU RÎA ÛVORO MWARO

¹ Solomoni nîwagîre ngwatanîro na mûthamaki wa Misiri, na nîwavikirie mwîrîtu wa mûthamaki ûcio. Solomoni nîwavirire mwîrîtu ûcio îtûûrarî rîa Daudi agekarage kuo nginya vîndî îrîa aathiririe gûtuma nyomba yake, hekarû ya Ngai-Mûnene, na rûthingo rûrîa rûthiûrûrûkîrîtie Jerusalemu.

1Atha 3:1 ပူးပေါင်းရင်းမြစ်များ

2Sam 5:7

(Nwatî Daudi nîwacunanire îtûûra rîu rîao rîa Zayuni, rîrîa rîairigîrîtwe na nthingo cia vinya mûno na rîgîcoka gwîtwa “Îtûûra rîa Daudi.”)

1Atha 11:1

Mûthamaki Solomoni nîwendire aka eengî a kuuma mavûrûrirî mageni. Nîwendire mwarî wa mûthamaki wa Misiri na akîenda aka engî kuuma Hiti, Moabu, Aamoni, Edomu na Sidoni.

1Atha 2:10

Daudi nîwakwire na akîthikwa îtûûrarî rînene rîa Daudi.

1Atha 6:1

Solomoni nîwambîrîrie gûtuma hekarû mweri wa Zivu, nîguo mweri wa kaîrî, mwakarî wa kana kuuma Solomoni atuîka mûthamaki wa Isiraeli. Vîndî îo yarî mîaka magana mana ma mîrongo înana (480) kuuma andû a Isiraeli mauma vûrûri wa Misiri.

1Atha 7:1

Solomoni nîwatumire nyomba yake na îvinda rîa mîaka îkûmi na îthatû na akîmîrîkia.

1Atha 7:8

Nyomba yake ya gûtûûra yatumîtwe vuva wa nyomba ya gûtwithanîria ciira na yatumîtwe vuva wayo vandû varaca. Solomoni nîwacokire agîtumîra mwarî wa mûthamaki wa Misiri, ûrîa aavikîtie nyomba wata îo.

1Atha 9:1

Rîrîa mûthamaki Solomoni aarîkirie gûtumîra Ngai-Mûnene hekarû, na gûtuma mûciî wa mûthamaki, vamwe na kûvingia maûndû monthe marîa eendaga gwîka,

1Atha 9:10

Solomoni aatumire hekarû vamwe na nyomba yake kwa îvinda rîa mîaka mîrongo îîrî.

1Atha 9:24

Nwatî mwarî wa mûthamaki wa Misiri nîwaumire îtûûrarî rîa Daudi na akîthiî nyombarî yake îrîa Solomoni aamûtumîrîte; nake Solomoni nîwacokire agîcûria mûthetu mwena wa îrathîro wa îtûûra rîa Jerusalemu.

1Maû 11:7

Daudi nîwacokire akîthiî gûtûûra kûndû kûrîa kwarî kûgitîre mûno, kwoguo nîgwacokire gwîtagwa “Îtûûra rîa Daudi.”

2Maû 18:1

Rîrîa Jehoshafati mûthamaki wa Juda aagîre na ûtonga mwîngî na akîgîa na îgweta, nîwavangire mûndû wa mûciî wake arûthe ûviki na mûndû wa mûciî wa Ahabu, mûthamaki wa Isiraeli.

2Maû 8:11

Solomoni nîwathaamirie mûka, mwarî wa mûthamaki wa Misiri kuuma îtûûrarî rîa Daudi akîmûvira nyombarî îrîa aamûtumîrîte. Nîwaugire atîrî, “Mûka wakwa ndagûtûûra nyombarî ya Daudi mûthamaki wa Isiraeli, nîûndû vandû wa vonthe varîa îthandûkû rîa kîrîkanîro Kîam Ngai-Mûnene rîanethîrwa rîrî nî vatheru.”

Ezira 5:11

“Nao nîmaatûcokerie atîrî, ‘Tue tûrî ndungata cia Ngai wa îgûrû na nthî. Tûratuma rîngî hekarû îrîa yatumîtwe mbere na îkarîkua, mîaka mîngî mîthiru nî mûthamaki warî na vinya mûno wa Isiraeli.

Ezira 9:14

Anga nwatûthiî na mbere kuna maathani maku rîngî na andû etû mavikie erîtu ao, kana erîtu etû mavikue nî andû aya acûku û na mekaga maûndû marî magigi? Na kinthî ndûngîrakara nîtue na ûtûcûkangie viû na kwîthîrwe gûtarî mûndû ûgûtigwa arî mwoyo.

Gûco 23:8

Ciana ciao, kuuma rûciaro rwa kathatû kûthiî na mbere, nwa metîkîrue gûtonya kîûnganorî Kîam andû a Ngai-Mûnene.