1Atha 22:6 - ÎVUKU RÎA ÛVORO MWARO

⁶ Ahabu, mûthamaki wa Isiraeli nîwaûnganirie arathi ta magana mana (400) vamwe na akîmaûria atîrî, “Nthiî ngatharîkîre îtûûra rîa Ramothi-gileadi, kana mbîkare?” Nao nîmaamûcokerie atîrî, “Thiî ûkarîtharîkîre, Ngai-Mûnene nîagûkûvotithia kûvootana.”

1Atha 22:6 ပူးပေါင်းရင်းမြစ်များ

1Atha 12:9

Nîwamaûririe atîrî, “Mûngîenda mbîre andû aya mambûririe nîmavûthîrie mîrigo yao atîa?”

1Atha 18:19

Rîu athana andû onthe a Isiraeli magomane kîrîmarî gîa Karimeli tûcemanie nao kuo. Mûke na arathi magana mana ma mîrongo îtano (450) a Baali na arathi magana mana (400) a Ashera, ngai ya nga, arîa marîcanagîra na Jezebeli.”

1Atha 18:20

Kwoguo Ahabu nîwatûmanîre Aisiraeli onthe na agîta arathi onthe a Baali na onthe magîtûngana kûu kîrîmarî gîa Karimeli.

1Atha 22:10

Vîndî îo, Ahabu na Jehoshafati meekîrîte nguo ciao cia ûthamaki makînekarîra itîrî ciao cia ûthamaki vau îtîrirî kîvingorî Kîam gûtonya Samaria, nao arathi onthe maarathaga marî mbere yao.

1Atha 22:15

Rîrîa Mikaia aakinyire kûrî mûthamaki Ahabu, Mûthamaki nîwamûririe atîrî, “Mikaia, nie na mûthamaki Jehoshafati tûthiî mbaararî kûu Ramothi-gileadi kana twîkare?” Nake Mikaia nîwamûcokerie atîrî, “Thiî kuo na ûtharîkîre na nîûkûvootana! Ngai-Mûnene nîagûkûvotithia kûvootana.”

1Atha 22:5

Jehoshafati nîwacokire akîra mûthamaki wa Isiraeli atîrî, “Tiga twambe tûrie Ngai-Mûnene ûvoro.”

2Atha 10:19

Kwoguo mbîtîrani arathi onthe a Baali, andû onthe arîa mamîgoocaga, na athînjîri-Ngai a yo onthe; na mûtigatige wanarî ûmwe, nîûndû nînîrenda kûrutîra Baali îgongoona rînene mûno, na mûndû ûrîa ûtagûûka nîkwa akaûragwa.” (Jehu eekire ûguo na wara nîguo aûrage andû onthe arîa magoocaga Baali.)

2Atha 3:13

Elisha nîwerire mûthamaki wa Isiraeli atîrî, “Nîngûtethia nîkî? Thiî kûrî arathi a aguo na nyûkwe.” Nwatî mûthamaki wa Isiraeli nîwacokerie Elisha atîrî, “Naarî! Nî Ngai-Mûnene ûtwîtîte vamwe tûrî athamaki athatû nîguo atûnenganîre kûrî mûthamaki wa Moabu.”

2Maû 18:14

Rîrîa Mikaia aakinyire, mûthamaki nîwamûririe atîrî, “Mikaia, nîtwagîrîrwe nî kûthiî kûtharîkîra îtûûra rîa Ramothi-gileadi kana tûtiagîrîrwe?” Nake Mikaia nîwamûcokerie atîrî “Thiîni mûkarîtharîkîre na nîmûkûvootana. Ngai-Mûnene nîakûmûvotithia kûvootana.”

Isaia 36:10

Makîria ya ûguo, ûreciria ntharîkîrîte vûrûri waku na ngaûcûkangia ndavetwe rûtha nî Ngai-Mûnene? Ngai-Mûnene nîke wambîrire nthiî ngaûtharîkîre na nîûcûkangie.”

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

2Tim 4:3

Mavinda nîmagaûka rîrîa andû makaarega kûthomithua maûndû marîa magîrîrîte. Nwatî nîmakeyûnganîria arimû ao kûringana na merirîria mao. Arimû acio nîmakaamakenia, nîûndû makaaragia maûndû marîa matû mao mendete kwîgua.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.