1Atha 22:49 - ÎVUKU RÎA ÛVORO MWARO

⁴⁹ Ahazia mûvîcî wa Ahabu nîwacokire akîra Jehoshafati atîrî, “Tiga ndungata ciakwa ithiîcanie na ndungata ciaku merirî.” Nwatî Jehoshafati nîwaregire ûguo.

1Atha 22:49 ပူးပေါင်းရင်းမြစ်များ

1Atha 10:22

Solomoni aarî na gîkundi Kîam meri cia Tarishishi ciathiîcaga vamwe na gîkundi Kîam meri cia Hiramu. Varî îvinda rîa mîaka îthatû, meri icio cia Tarishishi nîciacokaga rita rîmwe ikuuîte thaavu, sîlûva, mîguongo, nthinwa na ngoroi.

1Atha 22:48

Mûthamaki Jehoshafati nîwatumire meri cia Tarishishi cia kûgîra thaavu vûrûrirî wa Ofiri; nwatî meri icio itiathiî nîûndû nîciaunîkangîre Ezioni-geberi.

1Atha 22:50

Jehoshafati nîwakwire na akîthikwa mbîrîrarî irîa ciathikagwa athamaki îtûûrarî rîa Daudi. Mûvîcî Jehoramu nîwatuîkire mûthamaki vuva wake.

1Atha 9:26

Mûthamaki Solomoni nîwacokire agîtuma meri nyîngî kûu Ezioni-geberi, vakuvî na Elothi, rûtererî rwa Îria Îtune, kûu vûrûrirî wa Edomu.

1Atha 9:27

Mûthamaki Hiramu nîwatûmire ndungata ciake irîa ciarî na ûûgî wa kûthiîra îriarî nîguo ikarutage wîra vamwe na ndungata cia Solomoni.

1Atha 9:28

Nao nîmaathiîre na magîkinya vûrûrirî wa Ofiri, na magîcoka na thaavu makîria ya kilo ngiri îkûmi na inya (14,000) na makîvirîra mûthamaki Solomoni.

2Maû 20:35

Vuvarî, mûthamaki Jehoshafati nîmaanyitanîre na Ahazia, mûthamaki wa Isiraeli. Ahazia nîwekîte maûndû meengî ma waganu.

Thaburi 48:8

Nîtweguire maûndû marîa Ngai ekîte, na rîu nîtwonete tue ene, îtûûrarî rîa Ngai wetû, Ngai-Mûnene, mwene vinya wonthe; Ngai nîatûûra arîgitagîra tene na tene.