1Atha 22:40 - ÎVUKU RÎA ÛVORO MWARO

⁴⁰ Rîrîa Ahabu aakwire, mûvîcî Ahazia nîwatuîkire mûthamaki vuva wake.

1Atha 22:40 ပူးပေါင်းရင်းမြစ်များ

2Sam 7:12

Rîrîa ûgaakua na ûthikwe, nîngaatua ûmwe wa anake aku mûthamaki na nîngaatûma ûthamaki wake ûgîe na vinya.

1Atha 11:21

Rîrîa Hadadi eerîrwe kûu Misiri atî Daudi nîwakuîte na atî Joabu ûrîa warî mûnene wa athigari ake a mbaara nîwakuîte, nîwerire mûthamaki wa Misiri atîrî, “Nakûthaitha ûmbîtîkîrie njoke vûrûrirî wakwa.”

1Atha 11:43

Nîwacokire agîkua na akîthikwa îtûûrarî rîa îthe Daudi; nake mûvîcî Rehoboamu nîwatuîkire mûthamaki vuva wake.

1Atha 14:31

Rehoboamu nîwakwire na akîthikwa mbîrîrarî îrîa ciathikagwa athamaki îtûûrarî rîa Daudi. Mûvîcî Abija nîwatuîkire mûthamaki vuva wake.

1Atha 2:10

Daudi nîwakwire na akîthikwa îtûûrarî rînene rîa Daudi.

1Atha 22:39

Maûndû marîa mengî monthe marîa mûthamaki Ahabu eekire, wa vamwe na nyomba yake îrîa aatumîte na mîguongo na matûûra monthe marîa aatumire nîmandîke Îvukuurî rîa Maûndû ma Tene ma Athamaki Isiraeli.

1Atha 22:41

Mwakarî wa kana kuuma Ahabu atuîka mûthamaki wa Isiraeli, Jehoshafati mûvîcî wa Asa, nîwatuîkire mûthamaki wa Juda.

1Atha 22:51

Mwakarî wa îkûmi na mûgwanja (17) Jehoshafati arî mûthamaki wa Juda nîrîo Ahazia mûvîcî wa Ahabu aatuîkire mûthamaki wa Isiraeli. Aathanire kûu Isiraeli arî Samaria îvinda rîa mîaka îîrî (2).

1Atha 22:52

Nîwekire maûndû macûku mbere ya Ngai-Mûnene na njîra ya kûrûmîrîra maûndû marîa îthe Ahabu, ng'ina Jezebeli, na mûthamaki Jeroboamu meekaga. Andû acio nîo maatûmîte Aisiraeli mevie.

2Atha 1:17

Kwoguo Ahazia nîwakwire wata ûrîa Ngai-Mûnene aaugîte kûvîtûkîrîra kûrî Elija. Ahazia ndaarî na mwana wa kavîcî, kwoguo Joramu, mûrwang'ina nîwatuîkire mûthamaki vuva wake. Vîndî îo yarî mwaka wa kaîrî wa Jehoramu, mûvîcî wa Jehoshafati arî mûthamaki wa Juda.

2Atha 1:2

Ahazia, mûthamaki wa Isiraeli arî Samaria nîwavarûkire kuuma ndiricarî ya nyomba yake ya îgûrû na akîrwara mûno. Kwoguo nîwatûmire anjaama akîmeera atîrî, “Thiîni kûrî Baali-zebubu, ngai ya îtûûra rîa Ekironi mûkamîûrie ûtaaro kana nîngûvora mûrimû ûyû.”

2Maû 20:35

Vuvarî, mûthamaki Jehoshafati nîmaanyitanîre na Ahazia, mûthamaki wa Isiraeli. Ahazia nîwekîte maûndû meengî ma waganu.

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.