1Atha 22:39 - ÎVUKU RÎA ÛVORO MWARO

³⁹ Maûndû marîa mengî monthe marîa mûthamaki Ahabu eekire, wa vamwe na nyomba yake îrîa aatumîte na mîguongo na matûûra monthe marîa aatumire nîmandîke Îvukuurî rîa Maûndû ma Tene ma Athamaki Isiraeli.

1Atha 22:39 ပူးပေါင်းရင်းမြစ်များ

1Atha 10:18

Solomoni nîwacokire agîtuma gîtî kînene Kîam ûthamaki Kîam mûguongo, agîcoka agîgîkunîka kîonthe na thaavu ntheri.

1Atha 10:22

Solomoni aarî na gîkundi Kîam meri cia Tarishishi ciathiîcaga vamwe na gîkundi Kîam meri cia Hiramu. Varî îvinda rîa mîaka îthatû, meri icio cia Tarishishi nîciacokaga rita rîmwe ikuuîte thaavu, sîlûva, mîguongo, nthinwa na ngoroi.

1Atha 14:19

Maûndû marîa mengî monthe marîa Jeroboamu eekire, mbaara irîa aarûire na ûrîa aathanire, nîmandîke Îvukuurî rîa Maûndû ma Tene ma Athamaki a Isiraeli.

1Atha 15:23

Maûndû marîa mengî monthe marîa Asa eekire, maûndû ma vinya marîa eekire na matûûra marîa aatumire, nîmandîke îvukuurî rîa maûndû ma tene ma Athamaki a Juda. Nwatî ûkûrûrî wake, nîwarwarire magûrû.

1Atha 15:31

Maûndû marîa mengî monthe marîa Nadabu eekire nîmandîke îvukuurî rîa maûndû ma tene ma Athamaki a Isiraeli.

1Atha 16:20

Maûndû marîa mengî monthe marîa Zimuri eekire wa vamwe na mûvango ûrîa aavangîte wa kûûraga mûthamaki nîmandîke îvukuurî rîa maûndû ma tene ma Athamaki a Isiraeli.

1Atha 16:27

Maûndû marîa mengî monthe marîa Omuri eekire wa vamwe na ûcamba ûrîa oonanirie nîmandîke Îvukuurî rîa Maûndû ma Tene ma Athamaki Isiraeli.

1Atha 16:5

Maûndû marîa mengî monthe marîa Baasha eekire vamwe na ciîko ciake nîmandîke îvukuurî rîa maûndû ma tene ma athamaki a Isiraeli.

1Atha 22:40

Rîrîa Ahabu aakwire, mûvîcî Ahazia nîwatuîkire mûthamaki vuva wake.

2Atha 1:18

Maûndû mau mengî monthe marîa mûthamaki Ahazia eekire mandîkîtwe maûndûrî ma tene ma athamaki a Isiraeli.

2Atha 15:15

Maûndû marîa mengî monthe Shalumu eekire, vamwe na ûrîa eeciragia gwîka nîmandîke Îvukuurî rîa Maûndû ma Tene ma Athamaki a Isiraeli.

Thaburi 45:8

Nguo ciaku irî na mûtararûko wa maguta na mînyamû mînungi waro, aini a nyîmbo magûkenagia marî nyombarî ya ûthamaki îgemetue na mîguongo.

Ezek 27:15

Andû kuuma Dedani nîmaarutithanirie wîra wa kûgûra na andû a Turo. Kûndû kûrîa kwarî na wîra mwaro mûno waku wa kwendia na kûgûra indo, kwarî mavûrûrirî meengî marîa marî rûtererî rwa îria. Andû a kuo nîmaakûretagîra mîguongo ya njogu nîguo ûmakûrananîrie na mîtî ya mîvîngo.

Ezek 27:6

Nîmoocire mîtî ya mîvuru kuuma Bashani makîrûtha mîtî ya gûtwarithia meri irîa nene; wamîtumire na mbaû cia mîthithinda kuuma Kuporo, na ûkîigemia na mîguongo.

Amosi 3:15

Nîngaacûkangia nyomba irîa ciîkaragwa vîndî ya mvevo na vîndî ya riûa na nyomomore nyomba irîa ng'emie na mîguongo. Gûtirî nyomba wanarî îmwe ya icio nene îgaatigara.” Ûguo nîguo nie Ngai-Mûnene mbugîte.

Amosi 6:4

Mue arîa mûmamagîra itanda cia mîguongo kaî mûrî na thîna-î, na mûgatambararia itîîrî cia cûva, mûkîrîcaga nyama kuuma ndîthiarî cia ng'ondu, na nyama cia njaû kuuma ndîthiarî cia ng'ombe.