1Atha 22:22 - ÎVUKU RÎA ÛVORO MWARO

²² Nake Ngai-Mûnene nîwamûririe atîrî, ‘ûkaamûveenereria atîa?’ Naguo roho nîwacokirie atîrî, ‘Nînthiî na ndûme arathi a Ahabu onthe maveenanie.’ Ngai-Mûnene nîwamwîrire atîrî, ‘Thiî na ûmûveenererie. Nîûkûvootana!’ ”

1Atha 22:22 ပူးပေါင်းရင်းမြစ်များ

1Atha 13:18

Mûrathi ûcio mûkûrû waumîte Betheli nîwamwîrire atîrî, “Nie nîrî mûrathi wa tawe, na Ngai-Mûnene ambathîte na njîra ya mûraika, ambîra ngwoce tûcoke nawe mûciî gwakwa nîguo ûrîe na ûnyue.” Nwatî mûrathi ûcio mûkûrû nîkwa aavenanagia.

1Atha 22:20

Ngai-Mûnene nîwaûririe atîrî, ‘Nîûrîkû ûkûthiî aveenererie Ahabu nîguo etîkîre kûthiî nîguo akaûragîrwe Ramothi-gileadi?’ Wa mûraika nîwacokirie wa ûrîa eeciragia.

1Atha 22:21

Mûthiiarî kûrî roho waumîre, ûkîrûngama mbere ya Ngai-Mûnene na ûkiuga atîrî, ‘Nîngûthiî kûmûvenereria.’

2Atha 3:13

Elisha nîwerire mûthamaki wa Isiraeli atîrî, “Nîngûtethia nîkî? Thiî kûrî arathi a aguo na nyûkwe.” Nwatî mûthamaki wa Isiraeli nîwacokerie Elisha atîrî, “Naarî! Nî Ngai-Mûnene ûtwîtîte vamwe tûrî athamaki athatû nîguo atûnenganîre kûrî mûthamaki wa Moabu.”

Ayubu 1:12

Ngai-Mûnene nîwerire Caitani atîrî, “Ûrî na ûvoti wa gwîka wa ûrîa wonthe ûngîenda îgûrû rîa kîrîa kîonthe arî nakîo, nwatî ndûkavutie mwîrî wake.” Kwoguo Caitani nîwaumire varî Ngai-Mûnene na akîîthiîra.

Ayubu 12:16

Ke ethagîrwa arî na vinya na ûûgî, arîa maveenagua na arîa maveenanagia onthe nî ake.

Thaburi 109:17

Ke endeete kûrumana, aronyitwa nî irumi icio! Ndeendaga kûrathimithania, wanake ndakarathimwe!

Isaia 19:14

Ngai-Mûnene nîatûmîte mavecane mataaro mavîngîcanu, nîmatûmîte andû a Misiri magaage mawîrarî mao monthe, na magatûgûga ta ûrîa mûrîu atûgûgaga agîtavîkaga.

Ezek 14:9

“Mûrathi angîkaveenua na arie ûndû, nie Ngai-Mûnene nînie ngethîrwa nîmûveenetie. Nîngaakûnjûra njara yakwa nîmûrute kûrî andû akwa a Isiraeli.

Zakaria 13:2

Nîngaatharia marîîtwa monthe ma ngai cia mîvuanano kuuma vûrûrirî, nîguo itigaacoke kûririkanwa rîngî. Nîngaathengutia arathi na nthirie maroho monthe macûku kuuma vûrûrirî.

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

1Joh 4:6

Nwatî tue tûrî a Ngai. Mûndû wa wonthe wîcî Ngai nîatûthikagîrîria. Mûndû wa wonthe ûtarî wa Ngai ndatûthikagîrîria. Na njîra ta îno nîtûmenyaga Roho wa ma na roho wa maveeni.

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Kûguû 17:17

Ngai nîatûmîte magîe na wendi wa kûvingia mworoto wake marî na ngoro îmwe. Na nîûndû wa ûguo nîmakaanenganîra vinya wao wa kwathana kûrî nyamû nginya rîrîa ciugo cia Ngai ikaavingua.

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Kûguû 20:3

Nîwacokire akîmikia îrimarî rîu rîtarî mûthiia, akîvinga mûrango warîo na mvungûro na agîkîra mûvûûri. Mûraika eekire ûguo nîguo njûnamatu îkare kuo îvingîrîtwe nginya mîaka ngiri îmwe îthire, nîguo ndakaavîtithie andû a nthî rîngî. Kavinda kau kathira nî akoovorwa gwa kavinda kanini.

Kûguû 20:7

Mîaka ngiri îmwe yathira, Caitani nîakaarekererua kuuma njeera yake.

Atir 9:23

Ngai nîwacokire agîtûma roho mûcûku aûke gatagatîrî ka Abimeleki na andû a Shekemu, na andû a Shekemu nîmaareganire na Abimeleki.

1Sam 16:14

Roho wa Ngai-Mûnene nîwatiganîrie Saûlo, naguo roho mûcûku atûmîtwe nî Ngai-Mûnene akîambîrîria kûmûnyarira.

1Sam 18:10

Naguo mûthenya ûcio wîngî roho mûcûku aumîte kûrî Ngai nîwatonyire kûrî Saûlo wa rîmwe arî gwake mûciî na agîkara ta mûndû wî na ngoma. Vîndî îo, Daudi nîkwa aavûûraga ngita wata ûrîa aamenyerete gwîka wa mûthenya wa mûthenya, nake Saûlo aanyitîte îtumû na njara yake.

1Sam 19:9

Naguo roho mûcûku umîte kûrî Ngai-Mûnene nîwanyitire Saûlo mûthenya ûmwe arî gwake nyomba anyitîte îtumû na njara. Vîndî îo Daudi nîkwa aavûûraga ngita.