1Atha 22:16 - ÎVUKU RÎA ÛVORO MWARO

¹⁶ Nwatî Ahabu nîwamwîrire atîrî, “Nîngwîra maita megana, atî vîndî îrîa ûkûmbîra ûndû na rîîtwa rîa Ngai-Mûnene nwanginya ûmbîrage ûvoro wa ma?”

1Atha 22:16 ပူးပေါင်းရင်းမြစ်များ

1Atha 22:15

Rîrîa Mikaia aakinyire kûrî mûthamaki Ahabu, Mûthamaki nîwamûririe atîrî, “Mikaia, nie na mûthamaki Jehoshafati tûthiî mbaararî kûu Ramothi-gileadi kana twîkare?” Nake Mikaia nîwamûcokerie atîrî, “Thiî kuo na ûtharîkîre na nîûkûvootana! Ngai-Mûnene nîagûkûvotithia kûvootana.”

1Atha 22:17

Mikaia nîwacokirie atîrî, “Nînoonire andû onthe a Isiraeli manyaganîte irîma ta ng'ondu itarî na mûrîthi. Nake Ngai-Mûnene nîwaugire atîrî, ‘Andû aya matirî na mûtongoria; nîmacoke wa mûndû gwake mûciî na thayû.’ ”

2Maû 18:15

Ahabu nîwacokirie atîrî, “Ûrenda ngwîre maita megana, atî rîrîa ûkwaria nanie rîîtwarî rîa Ngai-Mûnene waragie ûma mûtheri?”

Jeremia 23:28

Mûrathi ûrîa ûrotete nîavecane ûvoro wa kîroto gîake, nwatî mûrathi ûrîa ûrî na ndûmîrîri yakwa nîamîvecane na wîvokeku. Nie Ngai-Mûnene nîrauga atîrî, ‘Ngano tî ûndû ûmwe na rûûa.’

Jeremia 37:17

mûthamaki Zedekia nîwatûmanire athiî etwe, na akîmûgwata ûgeni gwake. Nîmaathiîre vandû keverirî kûu gwake mûciî na akîmûria atîrî, “Kûrî na ndûmîrîri ûrî nayo kuuma kûrî Ngai-Mûnene?” Jeremia nîwamûcokerie atîrî, “Kûrî nayo.” Jeremia nîwacokire akiuga atîrî, “Nîûkaanenganîrwa kûrî mûthamaki wa Babulonia.”

Jeremia 38:14

Mûthamaki Zedekia nîwacokire agîtûmanîra mûrathi Jeremia na akiuga avirwe macemanie nake mûrangorî wa kathatû wa hekarû ya Ngai-Mûnene. Nake mûthamaki nîwerire Jeremia atîrî, “Nîngûkûria kîûria na ndûkanthithe wanarî ûndû.”

Ndari 22:38

Balaamu nîwamûcokerie atîrî, “Taroria nînaûka nîrî ava. Nwatî nîrî na ûvoti wa kwaria wanarî ûndû? Nîmbaria ûrîa tu Ngai akwenda mbarie.”

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Maariko 5:7

Nake nîwacokire akiugîrîria akiugaga atîrî, “Jesû Mûriû wa Ngai ûrîa ûrî Îgûrû Mûno! Nîndûî ûrenda kuumana nanie? Nie nakûthaitha na rîîtwa rîa Ngai, ndûkamverithie!”

Ciîko 19:13

Nao Ayahudi amwe nîmaaûrûraga na makarutûrûraga maroho macûku kuuma kûrî andû. Ayahudi acio wa nao nîmaageririe gûtûmîra rîîtwa rîa Mwathani Jesû kûrutûrûra maroho macûku kuuma kûrî andû. Nao nîmeraga maroho macûku atîrî, “Na rîîtwa rîa Jesû ûrîa Paûlo avunjagia, nie nîrakwatha ume ndaarî ya mûndû ûyû!”

Josh 6:26

Vuva wa ûguo Joshua nîwakaanirie andû na akîmera atîrî, “Mûndû ûrîa ûkaageria gûtuma rîngî îtûûra rîa Jeriko, nûkagwatwa nî kîrumi. Mûndû wa wonthe ûgaatuma mûcingi wa îtûûra rîa Jeriko, mwanake wake wa îrikithathi nî agaakua. Mûndû wa wonthe ûgaatuma mîvîrîga ya gûtonya kuo, nîkaaûrwa nî mwana wake wa kîvinga nda.”

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.