1Atha 22:14 - ÎVUKU RÎA ÛVORO MWARO

¹⁴ Nwatî Mikaia nîwaugire atîrî, “Nevîta na Ngai-Mûnene ûrîa ûtûûraga mwoyo atî nie nîmbuga ûrîa Ngai-Mûnene akûmbîra mbuge!”

1Atha 22:14 ပူးပေါင်းရင်းမြစ်များ

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 18:10

Nînîvîta na Ngai-Mûnene, Ngai waku ûrîa ûtûûraga mwoyo, atî mûthamaki nîaugîte ûcarue mavûrûrirî monthe nthî ng'ima. Rîrîa mûthamaki wa vûrûri mûna auga atî ndûrî vûrûrirî wake, Ahabu nîwendaga mûthamaki ûcio evîte atî ndûrî vûrûrirî ûcio.

1Atha 18:15

Nake Elija nîwacokirie atîrî, “Nevîta na Ngai-Mûnene mwene vinya wonthe, ûrîa ndungatagîra, atî nîngûthiî kûrî mûthamaki ûmûnthî.”

1Atha 22:13

Vîndî wa îo, ndungata îrîa yatûmîtwe kûrî Mikaia nîyamwîrire atîrî, “Arathi acio engî onthe nîmaratha atî mûthamaki nîakûvootana. Wanawe ratha maûndû maro wa tao.”

Jeremia 23:28

Mûrathi ûrîa ûrotete nîavecane ûvoro wa kîroto gîake, nwatî mûrathi ûrîa ûrî na ndûmîrîri yakwa nîamîvecane na wîvokeku. Nie Ngai-Mûnene nîrauga atîrî, ‘Ngano tî ûndû ûmwe na rûûa.’

Jeremia 34:6

Nake mûrathi Jeremia nîwacokire akîîra Zedekia mûthamaki wa Juda maûndû mau monthe, arî kûu Jerusalemu,

Jeremia 42:4

Nake Jeremia nîwamacokerie atîrî, “Nîwaro nînegua; rîu nîngûvoya Ngai-Mûnene Ngai wenyu wata ûrîa mwambûria, na ûrîa wonthe akanjokeria nîngûmwîra, ndikamûthitha wanarî ûndû.”

Ndari 22:18

Nwatî Balaamu nîwacokerie ndungata cia Balaki atîrî, “Wana kethîrwa nîkwa Balaki akûmva nyomba yake îcûrîte sîlûva na thaavu, ndingîvota kuna watho wa Ngai-Mûnene, Ngai wakwa nîûndû wa ûndû wana ûrîkû.

Ndari 22:38

Balaamu nîwamûcokerie atîrî, “Taroria nînaûka nîrî ava. Nwatî nîrî na ûvoti wa kwaria wanarî ûndû? Nîmbaria ûrîa tu Ngai akwenda mbarie.”

Ndari 22:8

Nake Balaamu nîwamerire atîrî, “Rarani gûkû ûmûnthî na rûyû nîngamwîra ûrîa wonthe Ngai-Mûnene akethîrwa ambîrîte.” Kwoguo atongoria a Moabu nîmeekarire na Balaamu.

Ndari 24:13

atî wana ûngîamvere nyomba yaku îcûrîte thaavu na sîlûva, ndingîekire ûndû ûreganîte na ûrîa Ngai-Mûnene aambathîte na njîra ya gwîka ûndû wakwa. Nie ngaragia wa ûrîa tu Ngai-Mûnene ambîrîte mbarie.”

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

Agal 1:10

Ndiugaga maûndû mama nîguo ngenie andû nwatî mendaga gûkenia Ngai. Na ethîrwa mendaga gûkenia andû, ndiagîrîrwe nî kwîthîrwa nîrî ndungata ya Kristû.