1Atha 21:9 - ÎVUKU RÎA ÛVORO MWARO

⁹ Maarûa icio ciandîkîtwe atîrî, “Anîrîrani mûthenya wa kwînyerekia, mwîteni andû vamwe na mwige Nabothi vandû va gîtîîo.

1Atha 21:9 ပူးပေါင်းရင်းမြစ်များ

1Atha 21:10

Mwige mîkora îîrî yerekanîrîte nake nîguo îmûthitange îkîmwîraga atî nîarumîte Ngai vamwe na mûthamaki. Mûcoke mûmûrute nja ya îtûûra na mûmûûrage na mathiga.”

1Atha 21:8

Kwoguo Jezebeli nîwandîkire maarûa vandûrî va Ahabu, akîivûûra mûvûûri wa Ahabu na agîitûma kûrî ndungata na atongoria arîa matûûraga na Nabothi îtûûrarî rîake.

Isaia 58:4

Taroriani, mwînyerekagia nîguo mûtetanie na mûrûe mûkîringanaga na ngundi. Kwînyerekia kwa mûthemba ta ûyû wenyu gûtigaatûma nîmûthikîrîrie mûkîmvoya.

Mathaayo 2:8

Na vuva wa ûguo Herode nîwamerire atîrî: “Thiîni Bethilehemu mûgacarie na vinya mûno varîa kaana kau karî, na mwakona, mûke mûmenyithie nîguo wa nanie nthiî ngakagooce.”

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Luka 20:47

Andû acio nwao mathithûkagîra aka a ndigwa na makamacuna indo ciao cionthe na magacoka makeyonania ûrîa marî aro na njîra ya kûracavia mavoya. Andû acio nîmakaaverithua mûno makîria!”

Johana 18:28

Kîraûko macangîa arangîri nîmaarutire Jesû mûciî gwa Kaiafa na makîmûvira mûciî mûnene wa Pilato. Nao Ayahudi matietîkîra gûtonya kuo nîûndû matiendaga kûnyitwa nî mûgiro mbere ya kûrîa kîrugo Kîam pasaka.