1Atha 21:20 - ÎVUKU RÎA ÛVORO MWARO

²⁰ Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

1Atha 21:20 ပူးပေါင်းရင်းမြစ်များ

2Sam 11:27

Rîrîa îvinda rîa macakaya rîathirire, Daudi nîwatûmanire Bathisheba agîrûe na avirwe kwa Daudi mûciî. Bathisheba nîwatuîkire mûndûmûka wa Daudi na nîwamûciarîre kavîcî. Nwatî Ngai-Mûnene ndaakenua nî ûguo Daudi eekîte.

1Atha 16:30

Ahabu, mûvîcî wa Omuri nîwevirie arî mbere ya Ngai-Mûnene makîria ya andû onthe arîa maarî athamaki mbere yake.

1Atha 18:17

Rîrîa Ahabu oonire Elija, nîwamwîrire atîrî, “Kwoguo wî gûkû, we mûndû ûrîa ûretaga thîna gûkû Isiraeli!”

1Atha 21:25

(Gûtirî mûndû wîngî werutîrîte viû ta Ahabu gwîka maûndû macûku mbere ya Ngai-Mûnene. Ahabu eekire maûndû mau monthe nîûndû wa kûringîrîrua nî mûka Jezebeli.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

2Atha 17:17

Nîmaarutire ciana ciao cia anake na cia erîtu kûrî ngai cia maveeni, irî matega ma kûvîvua. Nîmaathiîcaga kwa ago na arogi. Nîmeerutîrîte viû gwîka maûndû marîa mataakenagia Ngai-Mûnene, na ûguo nîguo maarakaririe Ngai-Mûnene.

2Atha 21:2

Manase nîwekire maûndû marîa mataakenagia Ngai-Mûnene, na kûrûmîrîra maûndû marîa meekagwa nî andû a mavûrûri marîa Ngai-Mûnene engataga, nao andû a Isiraeli magîtonyaga kuo.

2Maû 18:17

Nake Ahabu nîwerire Jehoshafati atîrî, “Ndikwîrire atî ndangîndathîra ûndû mwaro tiga wa ûndû mûcûku?”

2Maû 18:7

Nake Ahabu nîwamûcokerie atîrî, “Kûrî na wîngî ûmwe wîtagwa Mikaia mûvîcî wa Imula. Nwatî nîrî mûmûthûru nîûndû ndandathagîra maûndû maro tiga wa marîa macûku.” Nake Jehoshafati nîwamwîrire atîrî, “Mûthamaki ndwagîrîrwe nî kuga ûguo.”

2Maû 33:6

Nîwarutire anake ake marî îgongoona rîa kûvîvua Kîamndarî Kîam mûvîcî wa Hinomu. Nîwarûthire maûndû ma ûragûri, kûringa mbûgû, kûringa ciama na nîwaranagîria na oni maûndû na arogi. Nîwekire maûndû macûku mbere ya Ngai-Mûnene na agîtûma arakare.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 52:3

Nîûndû Ngai-Mûnene arauga atîrî, “Mue mwendirue ûkomborî gûtarî kîndû mûrutîrîtwe; na mûgaakûûrwa mûtakûrutîrwa mbeca.

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Ezek 14:4

“Rîu marîrie ûmere nie, Ngai mbugîte atî, mûndû wa wonthe wa nyomba ya Isiraeli ûkeerirîria mîvuanano yake ya kûvowa, na etîkîrie mîvuanano îo îmûvîtithie, na acoke athiî kûrî mûrathi kûvoya ûtaaro, nîngaamûcokeria kûringana na wîngî wa mîvuanano îo yake.

Amosi 5:10

Mue nîmûthwîre arîa marûngamagîrîra kîvooto na arîa maragia ûûma îgootirî.

Maariko 12:12

Nao anene a Ayahudi nîmaageririe kûmûnyita nîûndû nîmaamenyire atî nî ûvoro wao Jesû aaragia na ngerekano îo. Nwatî nîmeetigîre kîrîndî na kwaguo makîmûtiga na makîîthiîra.

Aroma 7:14

Nîtwîcî atî watho uumaga kûrî Ngai, nwatî nie nîrî mûndû wî na mwîrî na wendetue agatuîka ngombo ya mevia.

Agal 4:16

Nîkwa rîu nduîkîte nthû yenyu nîûndû wa kûmwîra ûma?

Aefeso 4:19

Matiîgucaga nthoni wana vanini na nîmekaga maûndû marîa macûku. Nîmamenyerete gwîka mawaganu ma mîthemba yonthe.

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.