1Atha 21:2 - ÎVUKU RÎA ÛVORO MWARO

² Vîndî îmwe Ahabu nîwerire Nabothi atîrî, “Mva mûgûnda waku wa mîthavibu nîûndû ûrî vakuvî na mûciî wakwa, nîguo nîûtue mûgûnda wa matunda. Nanie nîngûgûkûrananîria na mûgûnda wîngî wa mîthavibu mwaro gûkîra ûcio, kana ûngîenda nîngûkûrîva mbeca irîa ciîganîrîte.”

1Atha 21:2 ပူးပေါင်းရင်းမြစ်များ

Kîam 16:6

Nwatî Aburamu nîwerire Sarai atîrî, “Îî nwatî ke nî ndungata yaku, îka wa ûrîa ûkwenda nayo.” Sarai nîwacokire akîvinyîrîria Hagari mûno atakûmwîguîra ntha nginya agîtoroka.

Kîam 3:6

Nake mûndûmûka nîwonire ûrîa mûtî ûcio warî mûthaka na ûrîa matunda maguo maarî maro ma kûrîwa, na atî warî wa kwîrirîrua nîûndû wa kûva mûndû ûgî. Kwoguo nîwatuire matunda ma mûtî ûcio akîrîa. Nîwacokire akîva mûthuuriwe mamwe, wa nake akîrîa.

1Atha 21:3

Nwatî Nabothi nîwerire Ahabu atîrî, “Nevîta na rîîtwa rîa Ngai-Mûnene atî ûguo ûroûra nîngînenganîra mûgûnda ûyû wa mîthavibu nîûndû naaûgaire kuuma kûrî methe makwa!”

1Atha 21:6

Nake Ahabu nîwerire mûka atîrî, “Nîûndû mbîrire Nabothi ûrîa Mûjezireeli amenderie mûgûnda wake wa mîthavibu, kana angîenda nîmûkûûrananîrie guo na wîngî nwatî ambîra atî tîanengera guo!”

2Atha 9:27

Rîrîa Ahazia, mûthamaki wa Juda oonire ûguo, nîwaûrire erekerete mwena wa Bethi Hagani. Jehu nîwamûrûmîrîrie na akîra andû ake mamûûrage. Nao nîmaamûrathire arî gîkaarirî gîake Kîam mbaara athiîte Guri arî vakuvî na îtûûra rîa Ibuleamu. Nwatî nîwaûrîre Megido, îtûûra rînene na agîkuîra kuo.

Ntha 20:17

“Ndûkerirîrie nyomba ya mûndû wîngî, wana kana wîrirîrie mûka. Ndûkerirîrie ndungata ya mûndû wîngî, ya mûndûmûrûme kana ya mûndûmûka, kana ndegwa yake kana mvunda yake kana kîndû gîake kîonthe.”

Mûvunjia 2:5

Nînarîmire mîgûnda ya matunda na ngîvanda mîtî ya matunda ma mîthemba yonthe kuo.

Rwîmbo rwa Nyîmbo 4:15

We wî kîthima kîvecaga mûgûnda manjî, kîthima Kîam manjî marî mwoyo, tûrûnjî tûnyûrûrûkaga kuuma irîmarî cia Lebanoni.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Gûco 11:10

Nîûndû vûrûri ûrîa mûthiîte kwîgwatîra ndwîkariî ta vûrûri wa Misiri kûrîa mwaumire, kûrîa mwavandaga irio na mûgaciîtîrîria manjî ta mîgûnda ya mboga.

Gûco 5:21

“ ‘Ndûkerirîrie mûka wa mûndû ûrîa wîngî, ndûkerirîrie nyomba ya mûndû ûrîa wîngî, kana mûgûnda wake, ndungata yake ya mûndûmûrûme kana ya mûndûmûka, kana ndegwa yake, kana mvunda yake, kana kîndû gîake wa kîonthe.’

1Tim 6:9

Nwatî andû arîa meriragîria gûtonga nîmagûcaga mageriorî na mûtegorî wa kwîrirîria maûndû ma ûrimû na ma kûmacûkangia.

1Sam 29:6

Akishi nîwetire Daudi na akîmwîra atîrî, “Nie nevîta na Ngai-Mûnene ûrîa ûtûûraga mwoyo atî we nîwîthîrîtwe ûndungatîrîte na wîvokeku, na nîngîakena kethîrwa nî twathiî nawe mbaararî nîûndû ndirî nakwona na îvîtia wanarî rîmwe kuuma mûthenya ûrîa waûkire kûrî nie nginya ûmûnthî. Nwatî atongoria arîa engî matirakwenda.

1Sam 8:14

Ke nîakaamûcuna mîgûnda yenyu îrîa mîaro mûno ya mîthavibu na mîtamaiyû na amîvecane kûrî ndungata ciake.

1Sam 8:6

Nwatî Samueli ndaakena egua andû acio makîmûûria amathuurîre mûthamaki wa kûmathaga; kwoguo Samueli nîwavoire kûrî Ngai-Mûnene,