1Atha 21:16 - ÎVUKU RÎA ÛVORO MWARO

¹⁶ Rîrîa Ahabu eegwire ûguo, nîwathiîre wa rîmwe mûgûndarî wa mîthavibu wa Nabothi nîguo eyocere guo ûtuîke wake.

1Atha 21:16 ပူးပေါင်းရင်းမြစ်များ

1Atha 21:1

Nabothi ûrîa Mûjezireeli aarî na mûgûnda wa mîthavibu kûu Jezireeli vakuvî na mûciî wa Ahabu, mûthamaki wa Samaria.

1Atha 21:15

Vîndî wa îo Jezebeli eegwire atî Nabothi nîwaûragîtwe na mathiga, nîwerire Ahabu atîrî, “Nabothi nîmûrage na mathiga. Kwoguo thiî woce mûgûnda wake wa mîthavibu ûrîa aaregire gûkwenderia.”

1Atha 21:17

Ngai-Mûnene nîwacokire akîra Elija, mûrathi wa kuuma Tishibe atîrî,

2Atha 5:24

Rîrîa maakinyire kîrîmarî kûrîa Elisha aatûûraga, Gehazi nîwocire ngunia icio cioîrî na agîitonyia nyomba na agîcoka akîra ndungata icio cia Namani icoke; nacio nîciacokire.

2Atha 9:21

Joramu, mûthamaki wa Isiraeli nîwaugire atîrî, “Mvarîrîriai gîkaari gîakwa.” Nakîo nîkîavarîrîrue. Joramu na Ahazia, mûthamaki wa Juda nîmaatwîre wa mûndû gîkaarirî gîake na makîthiî gûtûnga Jehu. Nîmaacemanirie nake mûgûndarî ûrîa warî wa Nabothi, Mûjezireeli.

Thaburi 50:18

Wona mwîi ûtuîkaga mûrata wake, na ûkanyitanîra na andû arîa mekaga maûndû ma ûtharia.

Isaia 33:15

Nî mûndû ûrîa ûtûûraga na ûthingu na waragia ûma, ûrîa ûreganaga na umithio umanîte na kûvinyanîrîria. Ûrîa ûtendaga kwamûkîra mavaki, ûrîa ûtendaga kûthikîrîria ndeto cia ûûragani na ûtendaga kwona maûndû macûku.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

2Pet 2:15

Nîmatiganîrîtie njîra îrîa nûngarû makaûra. Nîmarûmîrîrîte njîra îrîa yarûmîrîrwe nî Balaamu mûvîcî wa Beori, ûrîa wendete mûno mbeca irîa aarîvagwa nîûndû wa gwîka naaî.