1Atha 21:15 - ÎVUKU RÎA ÛVORO MWARO

¹⁵ Vîndî wa îo Jezebeli eegwire atî Nabothi nîwaûragîtwe na mathiga, nîwerire Ahabu atîrî, “Nabothi nîmûrage na mathiga. Kwoguo thiî woce mûgûnda wake wa mîthavibu ûrîa aaregire gûkwenderia.”

1Atha 21:15 ပူးပေါင်းရင်းမြစ်များ

1Atha 21:1

Nabothi ûrîa Mûjezireeli aarî na mûgûnda wa mîthavibu kûu Jezireeli vakuvî na mûciî wa Ahabu, mûthamaki wa Samaria.

1Atha 21:14

Andû nîmaacokire magîtûmana kûrî Jezebeli atîrî, “Nabothi nîwaûragwa na mathiga.”

1Atha 21:16

Rîrîa Ahabu eegwire ûguo, nîwathiîre wa rîmwe mûgûndarî wa mîthavibu wa Nabothi nîguo eyocere guo ûtuîke wake.

1Atha 21:7

Mûka Jezebeli nîwamûcokerie atîrî, “Kinthî we tîwe mûthamaki wa Isiraeli? Ûkîra, ûrîe na ûkene. Nîngûgwocera mûgûnda wa mîthavibu wa Nabothi!”

2Atha 9:21

Joramu, mûthamaki wa Isiraeli nîwaugire atîrî, “Mvarîrîriai gîkaari gîakwa.” Nakîo nîkîavarîrîrue. Joramu na Ahazia, mûthamaki wa Juda nîmaatwîre wa mûndû gîkaarirî gîake na makîthiî gûtûnga Jehu. Nîmaacemanirie nake mûgûndarî ûrîa warî wa Nabothi, Mûjezireeli.

2Atha 9:7

Nîûkaûraga andû a nyomba ya mwathi waku, Ahabu nîguo nîîrîvîrîrie nthakame îrîa Jezebeli eetûrûrire ya arathi ndungata ciakwa, vamwe na ya ndungata irîa ciîngî ciakwa cionthe.

Nthi 4:17

Waganu nîta irio kûrî o, nayo mbaara nîta ûcûrû kûrî o.