1Atha 20:7 - ÎVUKU RÎA ÛVORO MWARO

⁷ Mûthamaki Ahabu nîwetire atongoria onthe a vûrûri na akîmeera atîrî, “Taroriani ûrîa mûndû ûyû arenda gûtûcûkangia. Aandûmanîîre nîmûnengere aka akwa na ciana ciakwa, sîlûva yakwa na thaavu yakwa na nînetîkîrire.”

1Atha 20:7 ပူးပေါင်းရင်းမြစ်များ

1Atha 20:6

Kwoguo, rûyû îthaa ta rîîrî nîngaatûma ndungata ciakwa ciûke icarie nyombarî yaku, vamwe na mîciî ya ndungata ciaku na ikuue indo cionthe irîa ikoona irî mbaro.”

1Atha 20:8

Nao atongoria onthe vamwe na andû nîmaacokirie atîrî, “Ndûkamûthikîrîrie, na ndûgetîkîre.”

1Atha 21:8

Kwoguo Jezebeli nîwandîkire maarûa vandûrî va Ahabu, akîivûûra mûvûûri wa Ahabu na agîitûma kûrî ndungata na atongoria arîa matûûraga na Nabothi îtûûrarî rîake.

1Atha 8:1

Mûthamaki Solomoni nîwacokire agîta athuuri onthe a Isiraeli na atongoria onthe a mîvîrîga na atongoria a mbarî cia andû a Isiraeli mathiî kûrî ke kûu Jerusalemu nîguo magakuue îthandûkû rîa Kîrîkanîro Kîam Ngai-Mûnene kuuma Zayuni, îtûûra rînene rîa Daudi marîvire hekarûrî.

2Atha 5:7

Rîrîa mûthamaki wa Isiraeli aathomire maarûa îo, nîwatûmbirwe nî marakara na agîtembûranga nguo ciake na akiuga atîrî, “Mûthamaki wa Sîria areciria nie nî Ngai ûngîvota kûûraga mûndû na akamûriûkia, nwa nvote kûvonia mûndû ûyû mûrimû wake mûcûku wa ngothi? Roria rîu wone ûrîa arenda twambîrîrie kûnegenania nake!”

1Maû 13:1

Daudi nîwaranîrie na anene a athigari ngiri, îgana na mûndû wa wonthe warî mûtongoria.

1Maû 28:1

Mûthamaki Daudi nîwathanire anene onthe a Isiraeli magomane Jerusalemu. Nao anene onthe a mîvîrîga, anene a ikundi cia andû arîa maarutaga wîra wa mûthamaki, anene a athigari ngiri îmwe, anene a athigari îgana, atongoria arîa maamenyagîrîra indo na ndîthia ya mûthamaki, avîcî ake, anene a mûciî wa mûthamaki na athigari na andû arîa maarî îgweta nîmaagomanire Jerusalemu.

Ayubu 15:35

Mathugundaga maûndû macûku ngororî magacoka magaciara mevia; ngoro ciao ivangaga maveeni.

Thaburi 140:2

Meciragia maûndû macûku ngororî ciao vîndî cionthe, na mambagîrîria mbaara vîndî cionthe.

Thaburi 36:4

Rîrîa amamîte avangaga gwîka maûndû marîa macûku, gûtirî ûndû mwaro ekaga, na ndareganaga na ûndû wa wonthe wa waganu.

Thaburi 62:3

Mue muonthe nîmûntharîkîra nginya rî, na ndirî vinya mbîkariî ta rûthingo rwînamîrîrîtie, nie mûndû wîkariî rwirigo rwomomoku?

Thaburi 7:14

Taroria, andû arîa aganu mavangaga maûndû marîa macûku; mecûrîtwe nî wîki naaî na maragia maveeni.

Nthi 11:14

Vûrûri ûtarî na mûtongoria mûûgî nîkwa ûcûkangaga, nwatî kûrîa kûrî ataarani eengî kûrî ûgitîri.

Nthi 11:27

Mûndû ûrîa ûcaragia maûndû marîa maro na kinyi nîatîîagwa, nwatî mûndû ûrîa ûcaragia thîna, nîamîonaga.

Nthi 24:2

O meciragia tu wa ûrîa kûngîgîa thîna, vîndî cionthe maragia ûrîa mangîtûma kûgîe thîna.

Nthi 6:14

Nîûndû ke arî ngoro ya kûvîtithia andû, avangaga maûndû marîa macûku, ambagîrîria thîna kûndû kuonthe.

Danieli 11:27

Athamaki acio aîrî nîmagaacoka marîcanîre vamwe, nwatî wa oîrî makaaveenanagia na makathugundaga maûndû macûku megiî ûrîa wîngî. Nwatî gûtirî mûvango wanarî ûmwe ûkaavinga, nîûndû kavinda ka guo gatikeethîrwa karî gakinyu.