Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1Atha 20:39 - ÎVUKU RÎA ÛVORO MWARO

39 Rîrîa mûthamaki wa Isiraeli aavîtûkaga, mûrathi nîwamwîtire na akîmwîra atîrî, “Mwathi wakwa, nie ndungata yaku naarî mbaararî, rîrîa mûthigari aandeteere mûndû ûmwe na akîmbîra, atî menyerere mûndû ûcio; na angîkaaûra nîkwa ngaaûragwa, kana ndîve sîlûva ngiri ithatû (3,000).

အခန်းကိုကြည့်ပါ။ ကော်ပီ




1Atha 20:39
14 ပူးပေါင်းရင်းမြစ်များ  

Nwatî nînaagwatirwe nî maûndû mengî na mûndû ûcio akîûra.” Nake mûthamaki wa Isiraeli nîwacokirie atîrî, “We nîwe wetuîra, na nwanginya ûvingie îtuîro rîaku.”


Mûrathi nîwacokire akîra mûthamaki atîrî, “Ngai-Mûnene arauga atî, ‘Nîûndû nîûrekereretie mûndû aûre, ûrîa naathanîte aûragwe, we nîwe ûkûûragwa vandûrî vake, nacio ndungata ciaku ciûragwe nîûndû wa kûrekereria ndungata cia mûndû ûcio ciûre.’ ”


Jehu na Jehonadabu nîmaacokire magîtonya ndaarî kûrutîra Baali magongoona na matega ma kûvîvua. Vîndî îo, Jehu aaigîte arûme mîrongo înana (80) nja ya hekarû na akamatha atîrî, “Mûkaaûraga andû aya onthe, na mûndû ûrîa ûkarekereria wanarî ûmwe wao aûre nîkwa akaûragwa!”


Îîmenyerere marakara maku matigatûme wîvie, kana wîngî wa mbeca cia gûgûkûûra ûkûvîtithie.


Mûndû ndangîvota gwîkûûra ke mwene; kana avota kûrîva Ngai îrîvi rîa ûtûûro wake,


Nwatî mwene ndegwa angîtîkîrua arute îrîvi nîguo avonokie mwoyo wake, nwanginya akaaruta kîrîa kîonthe etîtue.


Gîtonga gîtûmagîra ûtonga wakîo kûgitîra mwoyo wakîo, nwatî mûthîni ndarî kîndû angîgitîra mwoyo wake nakîo.


Ke ndangîtîkîra îrîvi wana rîrîkû, kana akenua nî kûvewa iveo nyîngî.


Kûgwatwa nî kîrumi nî mûndû ûrîa ûrutaga wîra wa Ngai-Mûnene na mûvûthia; na kûgwatwa nî kîrumi nî mûndû ûrîa ûgiragia rûviû rwake rwîtûrûra nthakame!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ