1Atha 20:32 - ÎVUKU RÎA ÛVORO MWARO

³² Kwoguo nîmeerigicire nguo cia macakaya na makîîrigica mîkanda ngingorî ciao. Nîmaathiîre kûrî mûthamaki Ahabu na makîmwîra atîrî, “Ndungata yaku, Benihadadi arakûthaitha ndûkamûrage.” Nake Ahabu nîwaugire atîrî, “Kwoguo arî wa mwoyo? Ke nî mûrwaiya!”

1Atha 20:32 ပူးပေါင်းရင်းမြစ်များ

1Atha 20:31

Ndungata ciake nîciamwîrire atîrî, “Nîtwîguîte atî athamaki a Isiraeli marî ntha. Twîtîkîrie twîrigice nguo cia macakaya ciûnorî cietû na twîrigice mîkanda ngingorî cietû tûthiî kûrî mûthamaki wa Isiraeli, avota kûrega gûkûûraga.”

1Atha 20:33

Ndungata cia Benihadadi meetererete megue ûndû mwaro, na rîrîa Ahabu aagwetire mûrwaiya, nîrîo maamwîrire atîrî, “Wata ûguo wauga, Benihadadi nî mûrwanyûkwe!” Ahabu nîwathanire akiuga atîrî, “Thiîni mûndetere ke.” Rîrîa Benihadadi aakinyire Ahabu nîwamwîtire mekare nake gîkaarirî gîake.

1Atha 20:42

Mûrathi nîwacokire akîra mûthamaki atîrî, “Ngai-Mûnene arauga atî, ‘Nîûndû nîûrekereretie mûndû aûre, ûrîa naathanîte aûragwe, we nîwe ûkûûragwa vandûrî vake, nacio ndungata ciaku ciûragwe nîûndû wa kûrekereria ndungata cia mûndû ûcio ciûre.’ ”

2Atha 10:5

Kwoguo mûmenyereri wa nyomba ya mûthamaki, atongoria a îtûûra rînene rîa Samaria, atongoria a mîvîrîga na andû arîa maamenyagîrîra anake a Ahabu nîmaatûmanire kûrî Jehu na makiuga atîrî, “Tue tûrî ndungata ciaku, na nîtwîvarîrîtie gwîka maûndû monthe marîa ûgûtwîra twîke. Nwatî tî tîtûthuura mûndû wanarî ûmwe atuîke mûthamaki. We îka wa ûrîa ûrona kwagîrîrîte.”

Isaia 10:12

Rîrîa Mwathani akaarîkia wîra wake wonthe Kîrîmarî gîa Zayuni na Jerusalemu, nîakaaverithia mûthamaki wa Asîria nîûndû wa mwîcaaro na mwîtîîo wake.