1Atha 20:29 - ÎVUKU RÎA ÛVORO MWARO

²⁹ Asîria na Aisiraeli nîmeekarire na andû kûrîa maatûûraga mang'ethanîrîte îvinda rîa mîthenya mûgwanja. Mûthenyarî wa mûgwanja nîrîo maambîrîîrie kûrûa, na Aisiraeli nîmaaûragire Asîria ngiri îgana rîmwe (100,000) mûthenya ûcio.

1Atha 20:29 ပူးပေါင်းရင်းမြစ်များ

Kîam 25:20

Isaka aarî na ûkûrû wa mîaka mîrongo îna rîrîa aavikirie Rebeka mwarî wa Bethueli. (Mûaramea wa kuuma Mesopotamia) Rebeka aarî mwarwang'ina wa Labani.

2Sam 10:18

na andû a Isiraeli makîngata athigari a Sîria. Nake Daudi na andû ake nîmaaûragire andû magana mûgwanja a Sîria arîa maatwarithagia ikaari cia mbarathi na andû ngiri mîrongo îna arîa maathiîcaga matûîte mbarathi. Nîmaacokire magîtivia Shobaku, mûnene wa nthû ciao na agîkuîra kûu mbaararî.

1Atha 20:28

Mûndû wa Ngai ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene arauga atî: ‘nîûndû Asîria maugîte atî nie nî ngai ya irîma na tî wa ciandarî, nîngûkûvotithia kûvoota andû acio eengî ûguo na nîmûkaamenya atî nînie Ngai-Mûnene.’ ”

1Atha 20:30

Arîa maatigarire nîmaaûrire makîthiî îtûûrarî rîa Afeku. Nacio nthingo cia îtûûra rîu nîciomomokire na ikîûraga andû ngiri mîrongo îîrî na mûgwanja (27,000) ao. Benihadadi wanake nîwaûrîre îtûûrarî na akîîthitha nyombarî îmwe ya ndaarî kûu îtûûrarî.

2Atha 13:17

Elisha nîwerire Joashi atîrî, “Vingûra ndirica îrîa îrî mwena wa îrathîro.” Nake Joashi nîwekire wa guo. Elisha nîwacokire akîmwîra atîrî, “Ikia mûguî!” Vîndî wa îo mûthamaki aaikirie mûguî, mûrathi Elisha nîwaugîrîrie atîrî, “We, wî mûguî wa Ngai-Mûnene. Mûguî ûcio nîguo Ngai-Mûnene akaavoota andû a Sîria naguo. Nîûkaarûa na andû a Sîria kûu Afeku nginya rîrîa ûkaamavoota.”

2Atha 13:25

Jehoashi, mûthamaki wa Isiraeli nîwacokire akîvoota Benihadadi maita mathatû na akîîgwatîra rîngî matûûra manene ma Isiraeli marîa moocetwe nî Benihadadi kuuma kûrî îthe Jehoahazi marî mbaararî.

2Maû 13:17

Abija na athigari ake nîmaatharîkîre na makîûraga athigari eengî mûno a Isiraeli. Athigari arîa njamba a mbaara ngiri magana matano (500,000) a Isiraeli nîmaaûragirwe.

2Maû 28:6

Mûthamaki Peka mûvîcî wa Remalia nîwaûragire athigari ngiri îgana rîmwe rîa mîrongo îîrî (120,000) a Juda arîa maarî njamba mûthenya ûmwe, nîûndû nîmaatiganîrîtie Ngai-Mûnene, Ngai wa methe mao.

Thaburi 10:16

Ngai-Mûnene nî mûthamaki tene na tene, andû arîa magoocaga ngai ciîngî nî makaathira vûrûrirî wake.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Josh 6:15

Mûthenya wa mûgwanja maaûkîrire kîraûko gûkîthamburukana na nîmaathiûrûrûkire îtûûra rîa Jeriko maita mûgwanja wata ûrîa mekîte mbere. Mûthenya ûyû nwa guo maarîthiûrûrûkire maita mûgwanja.

1Sam 17:16

Goliathu nîwekaraga akîvuragia Aisiraeli kîraûko na kîvwaî kwa îvinda rîa mîthenya mîrongo îna.