1Atha 20:22 - ÎVUKU RÎA ÛVORO MWARO

²² Mûrathi nîwacokire akîthiî kûrî mûthamaki wa Isiraeli na akîmwîra atîrî, “Thiî wîvarîrie waro na ûmenye ûrîa ûgwîka, nîûndû mûthamaki wa Sîria nîagaakûtharîkîra îvinda rîu rîngî rîa mvevo.”

1Atha 20:22 ပူးပေါင်းရင်းမြစ်များ

2Sam 11:1

Kîambîrîriarî Kîam mwaka vîndî îrîa athamaki maamenyerete kûthiî mbaararî, Daudi nîwatûmire Joabu, vamwe na ndungata ciake wana Aisiraeli onthe mathiî vamwe. Nao nîmaavootire Aamoni na makîthiûrûrûkîria îtûûra rîa Roba. Nwatî Daudi ke mwene nîwatigirwe Jerusalemu.

1Atha 19:10

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

1Atha 20:13

Vîndî wa îo mûrathi ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene araûria kana nîûrona andû aya eengî ûguo nthû ciaku! Nîngûkûvotithia kûmavoota ûmûnthî, na nîûkûmenya atî nînie Ngai-Mûnene.”

1Atha 20:21

Ahabu mûthamaki wa Isiraeli nîwathiîre mîgûndarî, agîtava mbarathi na ikaari cia mbaara, na nîwaûragire andû eengî mûno a Sîria.

1Atha 20:26

Îvinda rîu rîngî rîa mvevo, Benihadadi nîwaûnganirie Asîria na makîthiî îtûûrarî rîa Afeku nîguo makarûe na Aisiraeli.

1Atha 20:38

Kwoguo mûrathi nîwathiîre, akîîyova ûthiû na gîtambaa nîguo erigarie na akîrûngama rûtererî rwa njîra, etererete mûthamaki wa Isiraeli avîtûke.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

2Atha 6:12

Ûmwe wa ndungata ciake nîwaugire atîrî, “Ûûi, mwathi wakwa mûthamaki gûtirî mûndû wanarî ûmwe. Nwatî mûrathi Elisha nîke wîraga mûthamaki wa Isiraeli maûndû marîa waragia ûrî nyombarî îrîa ûmamaga.”

1Maû 20:1

Kîambîrîria Kîam mwaka mavinda marîa athamaki maamenyerete kûthiî mbaararî, Joabu nîwatongoririe athigari a mbaara na makîthiî vûrûrirî wa Aamoni na makîûgwata. Nîmaarigicîrie îtûûra rîa Raba makîrîtharîkîra na makîrîcûkangia. Nwatî mûthamaki Daudi eekarîte Jerusalemu.

2Maû 25:11

Nwatî Amazia nîweyûmîrîrie na agîtongoria athigari ake a mbaara na makîthiî Kîamndarî gîa cumbî. Kûu nîkuo aaûragîre athigari ngiri îkûmi a kuuma Seiru (Edomu).

2Maû 25:8

Nwatî ûngîthiî nao ûgîciragia atî ûkaavootana, ndûkaavootana. Ngai nîke wî na ûvoti wa gûtûma ûvootana kana ûvootwe, ke nîagaakûrekereria ûvootwe nî nthû ciaku.”

Thaburi 27:14

Îîvoke Ngai-Mûnene. Gîa na vinya, na ndûgakue ngoro. Îîvoke Ngai-Mûnene.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Nthi 20:18

Caria ûtaaro nîguo mîvango yaku îtuîke mîaro, ndûkambîrîrie mbaara ûtavoete ûkûrû.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 42:8

“Nie nînie Ngai-Mûnene rîu nîrîo rîîtwa rîakwa. Gûtirî wîngî ngaava riiri wakwa, kana mvecana ngumo yakwa kûrî mîvuanano ya kumua.

Isaia 8:9

Mue andû a mavûrûri, gomanani vamwe na nî mûkaamaka! Ta thikîrîriani mue mavûrûri marîa marî kûraca! Îîvarîrieni kûrûa na mûmake! Îkarani mwîvarîrîtie na mûmake!

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.