1Atha 20:15 - ÎVUKU RÎA ÛVORO MWARO

¹⁵ Kwoguo mûthamaki Ahabu nîwetire anake ndungata cia anene a icunjî cia vûrûri. Onthe maarî magana maîrî ma mîrongo îthatû na aîrî (232). Nîwacokire agîta athigari a Isiraeli. Nao onthe maarî ngiri mûgwanja (7,000).

1Atha 20:15 ပူးပေါင်းရင်းမြစ်များ

1Atha 19:18

Kûnarî ûguo, nîndigarîtie andû ngiri mûgwanja (7,000) marî mwoyo kûu Isiraeli. Andû acio nî arîa onthe maambathîkagîra na mataanenamîrîria mothiû mao kûrî Baali kana mamumunya mûvuanano wake.”

1Atha 20:14

Nake Ahabu nîwaûririe atîrî, “Nû ûgûtongoria kûtharîkîra?” Nake mûrathi nîwacokirie atîrî, “Ngai-Mûnene arauga atî, andû ethî arîa marutaga wîra marî rungu rwa anene a icunjî cia vûrûri nîo magaatongoria.” Mûthamaki nîwaûririe atîrî, “Nû ûkaambîrîria kûrûa?” Nake mûrathi nîwacokirie atîrî, “Nîwe ûkaambîrîria.”

1Atha 20:16

Mûthamaki Ahabu na athigari ake maambîrîîrie kûtharîkîra thaa thita cia mûthenya. Vîndî îo Benihadadi na athamaki arîa aarî nao mîrongo îthatû na aîrî (32) maarî magemarî mao makînyua ndivei.

2Atha 13:7

Jehoahazi ndaarî na athigari a mbaara maatigarîte tiga arûme mîrongo îtano (50) arîa mathiîcaga matwîte mbarathi, ikaari îkûmi (10) cia mbaara, na arûme ngiri îkûmi (10,000) arîa maathiîcaga na magûrû, nîûndû mûthamaki wa Sîria nîwacûkangîtie acio engî na akamakinyangîra nthî ta mûthetu.

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

Thaburi 33:16

Mûthamaki ndavootanaga nîûndû wa wîngî wa athigari ake a mbaara, mûthigari ndavootanaga nîûndû wa vinya wake.

Atir 7:16

Gideoni nîwagaanirie andû arîa ake magana mathatû ikundi ithatû. Nîwacokire akîva wa mûndû karumbeta na nyûngû îrî na kîmûrî ndaarî.

Atir 7:7

Ngai-Mûnene nîwerire Gideoni atîrî, “Nîngamûvotithia kûvoota Amidiani mûrî na andû magana mathatû acio maatavire manjî na mvî na makînyua. Îra andû acio engî onthe menûke.”

1Sam 14:2

Saûlo aatûûraga arî rungu rwa mûkûngûmanga ûrîa ûrî Migironi, vakuvî na Gibea. Nao andû arîa maarî nake maarî ta arûme magana matandatû.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”