1Atha 20:14 - ÎVUKU RÎA ÛVORO MWARO

¹⁴ Nake Ahabu nîwaûririe atîrî, “Nû ûgûtongoria kûtharîkîra?” Nake mûrathi nîwacokirie atîrî, “Ngai-Mûnene arauga atî, andû ethî arîa marutaga wîra marî rungu rwa anene a icunjî cia vûrûri nîo magaatongoria.” Mûthamaki nîwaûririe atîrî, “Nû ûkaambîrîria kûrûa?” Nake mûrathi nîwacokirie atîrî, “Nîwe ûkaambîrîria.”

1Atha 20:14 ပူးပေါင်းရင်းမြစ်များ

1Atha 18:44

Riitarî rîa mûgwanja, ndungata îo nîyacokire na îkiuga atîrî, “Nînona gatu kanini kegana ta njara ya mûndû gakiumîra îriarî.” Elija nîwerire ndungata yake îthiî kûrî Mûthamaki Ahabu îkamwîre arûthe gîkaari gîake na acoke mûciî mbere ya mbura îmûvingîrîria.

1Atha 20:13

Vîndî wa îo mûrathi ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene araûria kana nîûrona andû aya eengî ûguo nthû ciaku! Nîngûkûvotithia kûmavoota ûmûnthî, na nîûkûmenya atî nînie Ngai-Mûnene.”

1Atha 20:15

Kwoguo mûthamaki Ahabu nîwetire anake ndungata cia anene a icunjî cia vûrûri. Onthe maarî magana maîrî ma mîrongo îthatû na aîrî (232). Nîwacokire agîta athigari a Isiraeli. Nao onthe maarî ngiri mûgwanja (7,000).

1Atha 20:17

Andû ethî arîa maarutaga wîra marî rungu rwa anene a icunjî cia vûrûri nîmaatongoririe. Vîndî îo Benihadadi nîwatûmire athigani, nao nîmaamûcokerie ndûmîrîri atî kwarî na gîkundi Kîam andû gîaûkîte kiumîte Samaria.

1Sam 17:50

Kwoguo Daudi nîwavûthîre gîkûtha na kathiga na akîvoota Goliathu atakûvûthîra rûviû rwa njûra.