1Atha 20:1 - ÎVUKU RÎA ÛVORO MWARO

¹ Benihadadi, mûthamaki wa Sîria nîwaûnganirie athigari ake onthe. Nîwatethererue nî athamaki engî mîrongo îthatû na aîrî (32) marî na mbarathi ciao na ikaari cia mbaara, nîwathiîre akîthiûrûrûkîria îtûûra rîa Samaria na akîrîtharîkîra.

1Atha 20:1 ပူးပေါင်းရင်းမြစ်များ

1Atha 15:18

Asa nîwacokire akîruta sîlûva yonthe na thaavu irîa ciatigîtwe hekarûrî na nyombarî ya mûthamaki. Nîwainenganîre kûrî ndungata ciake na agîciîra ivirîre mûthamaki Benihadadi, mûvîcî wa Tabirimoni. Tabirimoni aarî mûvîcî wa Hezioni, mûthamaki wa Sîria, ûrîa watûûraga Damesiki. Nîwerire ndungata icio ciîre Benihadadi atîrî,

1Atha 15:20

Nake mûthamaki Benihadadi nîwetîkîre ûrîa mûthamaki Asa aamwîrire, na nîwatûmire anene a athigari ake a mbaara mathiî makatharîkîre matûûra marîa manene ma Isiraeli. Nîmaavootire Ijoni, Dani, Abeli-bethi-maaka na kûndû kûrîa kwarî vakuvî na Îria rîa Galili, vamwe na vûrûri wonthe wa Nafutali.

1Atha 16:24

Nîwagûrire kîrîma gîa Samaria na sîlûva ngiri ithathatû (6,000) kuuma kûrî Shemeri. Omuri nîwairigîre kîrîma kîu, agîtuma îtûûra kuo na akîrîtania na Shemeri ûrîa warî mwene kîrîma kîu. Omuri eetire îtûûra rîu Samaria.

1Atha 20:16

Mûthamaki Ahabu na athigari ake maambîrîîrie kûtharîkîra thaa thita cia mûthenya. Vîndî îo Benihadadi na athamaki arîa aarî nao mîrongo îthatû na aîrî (32) maarî magemarî mao makînyua ndivei.

1Atha 20:2

Nîwacokire agîtûma anjaama îtûûrarî kûrî Ahabu, mûthamaki wa Isiraeli makamwîre atîrî, “Benihadadi arauga

1Atha 20:24

Rîu ruta athamaki arîa mîrongo îthatû na aîrî (32) kuuma varîa wa mûndû arûngamîrîrîte na vandûrî vao wîkîre anene a athigari a mbaara.

1Atha 22:31

Mûthamaki wa Sîria nîwathîte anene ake mîrongo îthatû na aîrî (32) a ikaari ciake cia mbaara matikarûe na andû acio engî tiga mûthamaki wa Isiraeli.

2Atha 6:8

Vîndî îmwe rîrîa mûthamaki wa Sîria aarûaga na andû a Isiraeli, nîwagîre ndundu na ndungata ciake na akîthuura vandû varîa aambire îgema rîake.

2Atha 8:5

Vîndî wa îo Gehazi eraga mûthamaki ûrîa Elisha aariûkîtie mûndû, wa rîmwe, ng'ina wa kaana karîa kaariûkîtue nîwaûririe mûthamaki amûcokerie nyomba na mûgûnda wake. Nake Gehazi nîwerire mûthamaki atîrî, “Mwathi wakwa mûthamaki ûyû nîke mûndûmûka warî na mûvîcî ûrîa Elisha aariûkirie!”

Ezira 7:12

“Kuuma kûrî Aritakiserikise mûthamaki ûrîa mûnene nînakwandîkîra we Ezira mûthînjîri-Ngai na mûndû mûgî ûthomete watho wa Ngai wa îgûrû.

Ntha 14:7

Nîwathiîre na ngari cia mbarathi irîa mbaro magana matandatû, wa vamwe na ngari icio ciîngî cia mbarathi cia Misiri na anene a cio.

Isaia 10:8

Etîîaga akiugaga atîrî, “Kinthî atongoria a athigari akwa onthe tî athamaki?

Isaia 37:24

We nîwathekerere Mwathani na njîra ya ndungata ciaku, na ûkiuga atî, nîndwîte irîma irîa ndaca na ikaari ciakwa nyîngî cia mbaara, nginya ngakinya gacûmbîrî ka Lebanoni. Nînakindire mîtarakwe îrîa mîraca mûno, na mîthithinda yakuo îrîa mîaro mûno; nînginyîte mîthiia ya Lebanoni kûrîa kûraca mûno, na ngakinya kûrîa mûtitû ûrumîrîte.

Jeremia 49:27

Nîngagwatia nthingo cia Damesiki mwaki, na nîûkavîvia nthigo cia kwîgitîra Benihadadi.”

Ezek 26:7

Ngai-Mûnene Ngai augîte atîrî, “Nîngaareta Nebukadinezarû mûthamaki wa Babuloni, mûthamaki ûrîa mûnene gûkîra athamaki arîa engî wa kuuma mwena wa rûgûrû atharîkîre Turo. Agaaûka arî na mbûtû nene ya athigari eengî, athigari matwîte mbarathi, na arî na mbarathi na ikaari cia mbarathi.

Danieli 2:37

We Mûthamaki wa athamaki, Ngai wa îgûrû nîke ûgûtuîte Mûthamaki na agakûva ûvoti, vinya na riiri.

Alawi 26:25

Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.

Amosi 1:4

Kwoguo nîngaatûma mwaki kûrî nyomba ya Hazaeli, na nîûgacûkangia kûndû kûrîa kûgitîre kwa mûthamaki Benihadadi.

Gûco 20:1

“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Gûco 28:52

Andû acio nîmakaarigicîria matûûra menyu monthe marîa marî vûrûrirî ûrîa Ngai-Mûnene Ngai wenyu amûveete, na momomore nthingo irîa imagitîrîte irîa mwîvokete atî ikaamûgitagîra.

Atir 1:7

Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.

Atir 4:3

Jabini aarî na ikaari magana kenda cia mbaara cia cuuma na nîwavinyîrîrie andû a Isiraeli îvinda rîa mîaka mîrongo îrî. Nao Aisiraeli nîmaakaîre Ngai-Mûnene amavonokie.

1Sam 13:5

Nao Afilisiti nîmaacokanîrîre vamwe na makîîvarîria nîguo marûe na Aisiraeli; o maarî na ngari ngiri mîrongo îthatû cia mbaara, arûme ngiri ithathatû arîa mathiîcaga matûîte mbarathi, na athigari eengî meengîvîte ta mûthanga ûrîa wîthagîrwa ûrî rûtererî rwa îria. O nîmaaunûkirie na makîamba magema mao mwena wa îrathîro wa Bethiaveni, kûu Mikimashi.