1Atha 2:7 - ÎVUKU RÎA ÛVORO MWARO

⁷ “Nwatî wîke avîcî a Barizilai Mûgileadi maûndû maro na mûrîcanagîre nao nîûndû nîmaambîkire maûndû maro rîrîa naaûraga kuuma kûrî mûrwanyûkwe Abusalomu.

1Atha 2:7 ပူးပေါင်းရင်းမြစ်များ

Kîam 40:14

Rîrîa maûndû maku makaagîra, nakûthaitha ûkaandirikana ûmbîguîre ntha na ûkaangweta kûrî mûthamaki nîguo ndutwe gûkû njeera.

2Sam 19:28

Andû onthe a mûciî wa vava maagîrîrwe nî kûragwa nîwe mwathi wakwa. Nwatî we nîwonire mbagîrîrwe nî kûrîcanîra nawe. Kwoguo ndiagîrîrwe nî gûkwîra ûmvingîrie ûndû wanarî ûrîkû mwathi wakwa.”

2Sam 9:10

Nwatî we, anake aku na ndungata ciaku mûkaarîmagîra mîgûnda ya Saûlo, na mûkaretaga maciaro mayo, nîguo mûvîcî wa mwathi waku onage gîa kûrîa. Nwatî nie tûkarîcanagîra na Mefiboshethu vingo cionthe.” (Ziba aarî na anake îkûmi na atano na ndungata mîrongo îîrî).

2Sam 9:7

Daudi nîwamwîrire atîrî, “Tiga gwîtigîra nîngûgwîka maûndû ma ntha nîûndû wa aguo Jonathani; na nîngûgûcokeria kîthaka kîonthe kîrîa Kîamrî Kîam ûmaguo Saûlo, na tûkaarîcanagîra nawe vingo cionthe.”

2Atha 25:29

Kwoguo Jehoiakini nîwarutire nguo ciake cia njera na kuuma vîndî îo nîwatûûrire arîcanagîra na mûthamaki.

2Atha 25:30

Jehoiakini nîwavecagwa wa mûthenya kîrîa aavataraga nî mûthamaki ûtûûrorî wake wonthe.

Ezira 2:61

Nao athînjîri-Ngai arîa maarî njiarwa cia Habaia, Hakozi na Barizilai (ûrîa wavikirie mwarî wa Barizilai kuuma Gileadi na agîtuîka etanague na mûthoniwe) nîmaarutirwe gîkundirî Kîam athînjîri-Ngai.

Nthi 27:10

Ndûkariganîrwe nî mûrata waku kana mûrata wa aguo. Ndûgetie ûtethio kuuma kûrî andû a nyomba yaku vîndî ya thîna. Nîkava mûndû ûrîa mûtûûranîrîte nake gûkîra mûrwanyûkwe ûrîa ûrî kûraca.

Jeremia 52:33

Kwoguo Jehoiakini nîwarutire nguo ciake cia njera, na agîtûûra arîcaga kwa mûthamaki.

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.