1Atha 2:37 - ÎVUKU RÎA ÛVORO MWARO

³⁷ Ûngîkaauma îtûûrarî rîu na ûringe karûnjî ga Kidironi, ûkaamenya nama atî nwanginya ûgaakua na nîwe ûkethîrwa wîyûragithîtie.”

1Atha 2:37 ပူးပေါင်းရင်းမြစ်များ

2Sam 1:16

Daudi nîwerire Mûmaleki ûcio atîrî, “Nthakame yaku îrogûcokerera nîûndû we nîwe waumbûra na kanyua gaku atî nîwe waûragire mûndû ûrîa Ngai-Mûnene aathuurire nîguo atuîke mûthamaki.”

2Sam 15:23

Andû onthe a Isiraeli nîmaarîrire maugîrîrîtie rîrîa moonire andû arîa maarûmagîrîra Daudi makîthiî. Mûthamaki vamwe na andû ake nîmaaringire karûnjî ga Kidironi na makîthiî merekerete werûrî.

1Atha 15:13

Nîwacokire agîtigithia ng'ina kûthiî na mbere arî mûthamaki wa mûndûmûka, nîûndû nîwarûthire mûvuanano wa ngai ya mûndûmûka ya Ashera. Asa nîwatemangire mûvuanano ûcio na akîûvîvîria Kîamndarî gîa karûnjî ga Kidironi.

1Atha 2:31

Solomoni nîwerire Benaia atîrî, “Îka ûguo Joabu akwîra. Mûrage na ûmûthike. Weka ûguo, nie wana njiarwa cia Daudi, gûtirî mûndû ûgaacokwa nî nthakame îrîa Joabu eetûrûrire rîrîa aaûragire andû matarî na mavîtia.

1Atha 2:33

Kwoguo Joabu na njiarwa ciake nîmatûûra marî na kîrumi tene na tene nîûndû wa gîkuû Kîam andû acio. Nwatî Ngai-Mûnene nîatûûra avecaga Daudi, andû a mûciî wake, njiarwa ciake na ûthamaki wake thayû na ûvootani.”

1Atha 2:38

Nake Shimei nîwacokerie mûthamaki atîrî, “Nî waro mwathi wakwa, nîngwîka ûguo wambîra.” Kwoguo Shimei nîwatûûrire Jerusalemu îvinda îraca.

2Atha 23:6

Nîwarutire mûvuanano wa ngai ya nga ya Ashera hekarûrî ya Ngai-Mûnene na akîmîvira nja ya îtûûra rîa Jerusalemu nginya karûnjîrî ga Kidironi na akîûvîvîria vo. Nîwaûthîire nginya ûgîtuîka rûkûngû na akîûnyagia mbîrîrarî kûrîa kwathikagwa andû onthe.

2Maû 29:16

Athînjîri-Ngai nîmaatonyire ndaarî ya hekarû nîguo makamîtherie. Nao nîmaarutire indo cionthe irîa itaarî ntheru na magîciga nja kîvarorî gîa hekarû. Nao Alawi nîmaaciocire na makîivira karûnjîrî ga Kidironi.

Jeremia 31:40

Nakîo Kîamnda kîonthe kûrîa ciimba ithikagwa na gûtecagwa mûu na mûgûnda wonthe kuuma karûnjîrî ga Kidironi nginya mûthiiarî wa kîvingo Kîam mbarathi kîrîa kîrî mwena wa îrathîro nîgûkaamûrîrwa Ngai-Mûnene. Îtûûra rîu rîtigacoka kwanangwa kana kwomomorwa rîngî tene na tene.”

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Alawi 20:9

Ngai-Mûnene nîwaugire atî, mûndû wa wonthe ûkaaruma îthe kana ng'ina nîakaaûragwa. Gîkuû Kîam mûndû ûcio gîkaaumana na gîîko gîake ke mwene.

Johana 18:1

Rîrîa Jesû aarîkirie kûvoya, nîwaumire kûu maarî na arutwa ake na makîthiî mûringo ûcio wîngî wa karûnjî ga Kidironi. Navo vau vaarî na mûgûnda na Jesû na arutwa ake nîmaatonyire kuo.

Josh 2:19

Mûndû wa wonthe wa cienyu angîkaauma nja na aûragwe, mau makethîrwa marî mavîtia make, tue tûtikaaûrua. Nake mûndû wa wonthe wa cienyu, arîa mûkeethîrwa mûrî nao nyomba angîkoona thîna nîtue tûkaaûrua nthakame yake.