1Atha 2:26 - ÎVUKU RÎA ÛVORO MWARO

²⁶ Mûthamaki Solomoni nîwacokire akîra mûthînjîri-Ngai Abiatharu atîrî, “Thiî vûrûrirî waku wa Anathothi. We wagîrîrwe nî gûkua, nwatî rîu tîngûûraga nîûndû nîwe wamenyagîrîra îthandûkû rîa kîrîkanîro Kîam Ngai-Mûnene rîrîa mwarî na vava Daudi, na nîwanyitanîrîte nake mathînarî make.”

1Atha 2:26 ပူးပေါင်းရင်းမြစ်များ

2Sam 12:5

Daudi nîwarakarirue nî gîtonga kîu mûno na akîîra Nathani atîrî, “Nevîta na Ngai-Mûnene ûrîa ûtûûraga mwoyo, atî mûndû ûrîa wîkîte ûguo agîrîrwe nî gûkua!

1Atha 1:25

Nîûndû ûmûnthî nîathiîte na akathînja ndegwa, ng'ondu na tûcaû tûrîa tûnoru. Nîetîte avîcî aku onthe, Joabu mûnene wa athigari aku na Abiatharu mûthînjîri-Ngai, na rîu nîkwa mararîa kîrugo makiugagîrîria atî: ‘Ûrotûûratûûra mûthamaki Adonija!’

1Atha 1:7

Nîwaririe na Joabu, (ûrîa ng'ina eetagwa Zeruia) na Abiatharu, mûthînjîri-Ngai, na magîtîkîra gûtethia Adonija na makîmûrûmîrîra.

1Atha 2:35

Mûthamaki nîwatuire Benaia, mûvîcî wa Jehoiada mûnene wa athigari a mbaara vandûrî va Joabu, agîcoka agîtua Zadoku mûthînjîri-Ngai vandûrî va Abiatharu.

Isaia 10:30

Ugîrîriani, mue andû a Galimu! Thikîrîriani, mue andû a Laisha! Metîkeni, mue andû arîa mûtûûraga Anathothi!

Jeremia 1:1

Îno nî ciugo cia Jeremia mûvîcî wa Hilikia, ûmwe wa athînjîri-Ngai a îtûûra rîa Anathothi vûrûrirî wa Benjamini.

Mathaayo 10:42

Nîramwîra na ma atî mûndû wa wonthe ûvecaga ûmwe wa aya anini gîkombe Kîam manjî ma mvevo ma kûnyua nîûndû nî arutwa akwa, nîakaavewa kîveo.”

Luka 22:28

“Mue mwîthîrîtwe mûrî vamwe nanie mûno ngîgerua.

Agal 3:4

Nîkwa maûndû monthe marîa mwemenyeretie maatuîkire ma mana? Ngwîvoka matiarî ma mana.

Josh 21:18

Anathothi na Alimoni wa vamwe na kûndû gwa kûrîthia.

1Sam 2:32

We nîûkaathînîka na wîgue wîru nîûndû wa irathimo irîa ngaarathima andû acio engî a Isiraeli nacio, na gûtirî mûndû mûkûrû ûkooneka gatagatîrî ka andû a mûciî waku tene na tene.

1Sam 26:16

Ûguo wîkîte tî waro. Nîrevîta na Ngai-Mûnene ûrîa ûtûûraga mwoyo atî, we wagîrîrwe nî kûragwa, nîûndû ndûnagitîra mûnene wenyu ûrîa Ngai-Mûnene aathuurire atuîke mûthamaki. Taroriani wone îtumû rîa mûthamaki rîrî kû? Naguo mûcuva wa manjî ûrîa ûrarî vakuvî na kîongo gîake ûrî kû?”