1Atha 2:22 - ÎVUKU RÎA ÛVORO MWARO

²² Mûthamaki Solomoni nîwacokerie ng'ina atîrî, “Ûrambûria nenganîre Abishagi, Mûshunemu kûrî Adonija nîkî? Ûguo nîta kûmbûria nîmûve ûthamaki wanaguo. Menya atî Adonija nî mûrwaiya ûrîa mûkûrû na mûthînjîri-Ngai Abiatharu, marî na Joabu mûvîcî wa Zeruia nîmamûnyitîte mbaru.”

1Atha 2:22 ပူးပေါင်းရင်းမြစ်များ

2Sam 12:8

Nînaakûvere ûthamaki wake wana aka ake; nînaagûtuire mûthamaki wa Isiraeli na Juda. Ethîrwa maûndû mau matingîakwîganire, nîngîakûongerera mengî.

2Sam 16:21

Nake Ahithofeli nîwacokirie atîrî, “Thiîni kûrîa aka akwiga arîa aguo aatigire nîguo mekaragie mûciî na mûmenyane nao kîîmwîrî. Mweka ûguo andû onthe a Isiraeli nîmakûmenya atî ûrî nthû ya aguo, nao andû arîa marî mwena waku nîmakûmîrîria mûno.”

1Atha 1:11

Nathani nîwacokire akîthiî kûrî Bathisheba, ng'ina wa Solomoni na akîmwîra atîrî, “Nîkwa ûteguîte atî Adonija, mûvîcî wa Hagithi nîatuîkîte mûthamaki na mwathi wetû Daudi ndaicî ûguo?

1Atha 2:15

Adonija nîwacokirie atîrî, “Nîwicî atî nînie nîngîatuîkire mûthamaki na atî andû onthe a Isiraeli nîguo meeriragîria. Nwatî nîgwekarire ûndû wîngî na mûrwaiya agîtuîka mûthamaki nîûndû nîguo Ngai-Mûnene eendete.

1Maû 3:2

Wa kathatû aarî Abusalomu na ng'ina eetagwa Maaka mwarî wa Talimai mûthamaki wa Geshuri. Wa kana aarî Adonija na ng'ina etagwa Hagithi.

1Maû 3:5

Arî kûu Jerusalemu Daudi nîwagîre na avîcî engî. Mûka Bathisheba mwarî wa Amieli nîwamûciarîre avîcî ana. Nao maarî Shimea, Shobabu, Nathani na Solomoni.

Mathaayo 20:22

Nake Jesû nîwerire avîcî acio a Zebedii atîrî, “Mue mûtiramenya kîrîa mûravoya. Nîmûkûvota kûnyuîra gîkomberî Kîam mînyamaaro kîrîa nie ngerie kûnyuîra?” Nao nîmaamûcokerie atîrî, “Ii nîtûkûvota.”

Maariko 10:38

Nwatî Jesû nîwameerire atîrî, “Mue mûtiramenya kîrîa mûravoya. Nîmûkûvota kûnyuîra gîkombe Kîam mînyamaaro kîrîa ngeerie kûnyuîra; kana mûvatithue na njîra îrîa ngeerie kûvatithua nayo?”

Jakuvu 4:3

Rîrîa mwetia, mûtivecagwa nîûndû mwîtagia mûtarî na itûmi mbaro. Mwîtagia indo nîguo mûitûmîre mûgîkenia mîîrî yenyu.