1Atha 19:6 - ÎVUKU RÎA ÛVORO MWARO

⁶ Elija nîwaroririe na akîona mûgate wî mûruge ûrî îgûrû rîa makara ma mwaki vakuvî na kîongo gîake. Nîwacokire akîona nyûngû îrî na manjî. Nîwarîre na akînyua, agîcoka akîmama rîngî.

1Atha 19:6 ပူးပေါင်းရင်းမြစ်များ

1Atha 17:4

Ûkaanyunyaga manjî kuuma karûnjîrî kau, na nîmbathîte ikûngûrû ikûretagîre irio vo.”

1Atha 17:6

Nîwaviragîrwa mîgate na nyama nî ikûngûrû kîraûko na kîvwaî, na akanyunyaga manjî kuuma karûnjîrî kau.

1Atha 19:5

Nîwamamire nthî rungu rwa mûtî na akîgwatwa nî toro. Wa rîmwe mûraika nîwamûvutirie na akîmwîra atîrî, “Ûkîra ûrîe.”

1Atha 19:7

Mûraika wa Ngai-Mûnene nîwacokire rîngî na akîmûvutia riita rîa kaîrî. Nîwamwîrire atîrî, “Ûkîra ûrîe, nîûndû rûgendo rûrîa ûkûthiî nî rûraca mûno.”

Thaburi 37:3

Îîvokeni Ngai-Mûnene na mwîkage waro, nîguo mûtûûre vûrûrirî ûyû mûrî na thayû.

Isaia 33:16

Mûndû wa mûthemba ûcio atûûraga îgûrû; vandû vake va ûgitîri vakethagîrwa vatumîtwe na nthingo cia vinya. Ndagaatura irio cia kûrîa, kana manjî ma kûnyua.

Mathaayo 26:7

Rîrîa Jesû aarîcaga irio, mûndûmûka ûmwe nîwathiîre kûrî ke akuuîte mûcuva wîcûrîte maguta maanungaga waro na ma goro, na agîtîrîria maguta mau kîongorî Kîam Jesû.

Mathaayo 4:11

Nayo Ngoma îo nîyatigire Jesû; nao araika makîthiî kûmûtungatîra.

Mathaayo 6:32

(Maûndû mama monthe nîmo andû arîa matetîkîtie Ngai macaragia.) Îthe wenyu ûrîa wî îgûrû nîwîcî atî nîmûvatarîte maûndû mama monthe.

Johana 21:5

Nake Jesû nîwacokire akîmaûria atîrî, “Anake aya, mûrîanyitu nthamaki wanarî îmwe?” Nao nîmaamûcokerie atîrî, “Naarî.”

Johana 21:9

Rîrîa maaumîrire, nîmoonire mwaki wa makara na nthamaki cigîrîrîtwe îgûrû na makîona mîgate.