1Atha 19:19 - ÎVUKU RÎA ÛVORO MWARO

¹⁹ Elija nîwaumire vau, akîthiî na akîthîrîria Elisha mûvîcî wa Shefati akîrîma na ikundi îkûmi na igîrî cia ndegwa; ikundi îkûmi na kîmwe ciarî mbere yake, nwatî ke mwene aarîmaga na gîkundi gîa îkûmi na igîrî. Elija nîwavîtûkîrîre vakuvî na Elisha, akîruta nguo yake na agikîria Elisha yo.

1Atha 19:19 ပူးပေါင်းရင်းမြစ်များ

1Atha 19:13

Rîrîa Elija eegwire kamûgambo kau, nîwekunîkire ûthiû wake na nguo yake na akiuma akîrûngama mûromorî wa ngurunga. Na wa rîmwe nîwegwire mûgambo ûkîmûria atîrî, “Elija, ûreka atîa ava?”

1Atha 19:16

wîtîrîrie Jehu mûvîcî wa Nimushi maguta nîguo atuîke mûthamaki wa Isiraeli, na wîtîrîrie Elisha mûvîcî wa Shafati kuuma Abeli Mehola maguta nîguo atuîke mûrathi vuva waku.

2Atha 2:8

Elija nîwacokire akîruta nguo yake ya îgûrû, akîmîkûnjakûnja na akîringa manjî nayo. Manjî nîmaagaûkanire maita maîrî na ke mwene na Elisha nîmaaringîre nthî nyûmû.

Ntha 3:1

Mûthenya ûmwe Musa akîrîthia ndîthia ya mûthoniwe Jethiro, mûthînjîri-Ngai wa Midiani, nîwavirire mbûri ikîranîrîtie werûrî na igîkinya kîrîmarî gîa Sinai. Kîrîma gîa Sinai Kîamrî kîrîma kîtheru.

Amosi 7:14

Nake Amosi nîwacokerie Amazia atîrî, “Nie ndirî mûrathi wa kûrîvwa, kana ûmwe wa gîkundi Kîam arathi. Nîrî mûrîthi na mûmenyereri wa mûkûyû.

Amosi 7:15

Ngai-Mûnene nîwandutire wîrarî wakwa wa kûrîthia akîmbîra mbûke ndathîre andû ake a Isiraeli.

Zakaria 13:5

nwatî nîakaauga atî ‘Nie ndirî mûrathi, nîrî mûrîmi na ndûûraga ndutaga wîra wa kûrîma kuuma nîrî mûndû mwîthî.’

Ahib 11:37

Nîmaarivirwe na mathiga, nîmaatûrirwe icunjî igîrî na mîcumano na makîûragwa na rûviû. Nîmaaûrûraga mekîrîte njûo cia ng'ondu na cia mbûri. Maarî athîni, nîmaanyaririrwe na magîkwa maûndû macûku.

Atir 6:11

Mûraika wa Ngai-Mûnene nîwacokire akîthiî gîcagirî Kîam Ofira, na agîkara nthî rungu rwa mûtî wa mûvuru. Mwene mûtî ûcio aarî Joashi, wa kuuma kûrî mbarî ya Abiezeri. Vîndî îo mûvîcî Gideoni avûûraga ngano ethithîte kîvivîrorî Kîam ndivei nîguo ndakonwe nî Amidiani.

1Sam 11:5

Vîndî îo Saûlo aaumîte mûgûndarî arûmîrîrîte ndegwa ciake; nake nîwaûririe atîrî, “Nîndûî kîrî na thîna, na nîndûî kîratûma andû onthe marîre?” Nao nîmaamûvere ûvoro ûrîa anjaama arîa maaumîte Jabeshi maamerîte.

1Sam 28:14

Saûlo nîwaûririe mûndûmûka atîrî, “Ûrona îkariî ta ndûî?” Nake mûndûmûka ûcio nîwacokirie atîrî, “Nî mûthuuri mûkûrû aunûkîtie na ekîrîte nguo ndaca.” Nake Saûlo nîwamenyire atî mûthuuri ûcio aarî Samueli na nîwenamîrîrie ûthiû wake nthî arî na gîtîîo.