1Atha 19:11 - ÎVUKU RÎA ÛVORO MWARO

¹¹ Ngai-Mûnene nîwamwîrire atîrî, “Uma ûthiî ûrûngame mbere ya Ngai-Mûnene îgûrû rîa kîrîma.” Vîndî wa îo Ngai-Mûnene nîwavîtûkîrîre vau. Naruo rûkûngi rûnene mûno nîrwainainirie irîma na rûgîatûranga mathiga tûcunjî mbere ya Ngai-Mûnene, nwatî Ngai-Mûnene ndaarî rûkûngirî. Vuva wa rûkûngi nîgwacokire gûkîgîa kîthingithia, nwatî Ngai-Mûnene ndaarî kîthingithiarî.

1Atha 19:11 ပူးပေါင်းရင်းမြစ်များ

Ayubu 38:1

Nake Ngai-Mûnene arî kîvuvûkaniorî nîwacokerie Ayubu atîrî:

Thaburi 50:3

Ngai wetû nîaûkîte, nwatî ndaûkîte akirîte; mwaki wa gûcûkangia ûrî mbere yake, athiûrûrûkîrîtue nî kîvuvûkanio kînene.

Thaburi 68:8

nthî nîyathingithire na mbura îkiura kuuma îgûrû, nîûndû Ngai wa Sinai nîwaûkire, nîûndû Ngai wa Isiraeli nîwaûkire.

Thaburi 68:9

We Ngai, nîwatûmire mbura nyîngî yure nthî, na ûkînyotora vûrûri waku ûrîa warî mûcûkangu.

Ntha 19:16

Naguo mûthenya wa kathatû kîraûko nîkwagîre ngwa nyîngî na mveni. Na kîrîmarî gûkiumîra îtu înene na gûkîguwa mûgambo mûnene wa karumbeta. Nao andû onthe arîa marî kûrîa maambîte magema nîmaatetemire nî guoya.

Ntha 19:20

Ngai-Mûnene nîwanyûrûrûkire akîthiî kîrîmarî gîa Sinai îgûrû na agîîta Musa athiî vo. Musa nîwaunûkirie,

Ntha 20:18

Vîndî îrîa andû meegwire ngwa, na makîona mveni, makîgua mûgambo wa karumbeta na makîona kîrîma gîgîtoga ndogo nîmaatetemire nî guoya. Nîmaarûngamire varaca

Ntha 24:12

Ngai-Mûnene nîwerire Musa atîrî, “Unûkia ûke kîrîmarî varî nie na weterere vo. Nanie ngaakûnengera ivengere igîrî cia mathiga ciandîkîtwe mawatho na maathani ma gûtaara andû.”

Ntha 24:18

Musa nîwaunûkirie kîrîmarî na agîtonya ndaarî ya îtu, na agîkara kuo mîthenya mîrongo îna ûtukû na mûthenya.

Ntha 34:2

Rûciû kîraûko ûkeevarîria, na unûkie kîrîmarî gîa Sinai tûgacemanie nawe vau îgûrû.

Ntha 34:6

Ngai-Mûnene nîwavîtûkîrîre vau mbere ya Musa na akiuga atîrî, “Nie, Ngai-Mûnene nîrî Ngai ûrî wega mwîngî na ntha. Ndîrakaraga na îvenya na nîmonanagia wendo ûtathiraga na wîvokeku.

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Ezek 1:4

Nînacokire ngîroria na ngîona rûkûngi rûnene rûkîte kuuma na mwena wa rûgûrû na kûrî na îtu rînene rîaumaga mveni na mwaki ûtaavoraga. Gatagatî ka mwaki ûcio kwarî na kîndû Kîamvenagia ta cuuma ya gîcango.

Ezek 37:7

Kwoguo nînaarathire wata ûrîa naathirwe mbîke. Na wangîrathaga wa rîmwe nînegwire mûgambo. Mûgambo ûcio wagambaga ta wa indo ikîringana, na mavîndî nîmaambîrîrie gûcokanîrîra vamwe makînyitanaga.

Nahumu 1:3

Ngai-Mûnene ndarakaraga na îvenya nwatî arî vinya nyîngî; ke ndetîkagîra arîa marî na mevia mathiî mataverithîtue. Varîa Ngai-Mûnene avîtûkagîrîra nî vaumaga rûkûngi na kîvuvûkanio; matu nî rûkûngû rûrîa rûgûrûkagua nî makinyo make.

Zakaria 14:5

Nîmûkaaûra mûvîtûkîrîrîte Kîamndarî kîu kîgaanîtie kîrîma kîu kîrî gatagatî ka irîma igîrî cia Ngai-Mûnene. Mûkaûra wata ûrîa methe menyu ma tene maûrire rîrîa kwagîîre kîthingithia vîndî ya mûthamaki Uzia. Ngai-Mûnene Ngai wakwa nîagûka na araika onthe.

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Mathaayo 24:7

Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia.

Mathaayo 28:2

Na wa rîmwe nîkwagîre na kîthingithia kînene. Nake Mûraika wa Mwathani nîwanyûrûrûkire kuuma îgûrû, akîvingiritia îthiga na akîrîkarîra.

Ahib 12:26

Mûgambo wake nîwatûmire nthî îthingithe vîndî îo, nwatî rîu eranîrîte atî, “Wa rîngî nîngaathingithia nthî na ndûme wana îgûrû rîthingithe.”

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 16:18

Nîkwagîre mveni, mîgambo, mîrurumo ya ngwa, na kîthingithia kînene. Gûtirî kwagîa Kîthingithia kîngî na gîcûku ta kîu kuuma rîrîa mûndû aaûmbirwe.

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.

1Sam 14:15

Nao Afilisiti onthe arîa maarî na kûu mîgûndarî makîmaka. Andû arîa maathiîte kûûragana vamwe na athigari arîa maarî magemarî nîmaainainire nîûndû wa guoya; nîkwagîre na kîthingithia nthî na gûkîgîa na kîmako kînene mûno.