1Atha 18:5 - ÎVUKU RÎA ÛVORO MWARO

⁵ Ahabu nîwerire Obadia atîrî, “Tiga tûthiî vûrûrirî tûkarorie ithimarî cionthe cia manjî na ndeererî cionthe cia nyûnjî twone kana nîtûkwona nyaki mbîganu ya kûva mbarathi na nyûmbû nîguo itigakue cionthe.”

1Atha 18:5 ပူးပေါင်းရင်းမြစ်များ

1Atha 18:4

na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

1Atha 18:6

Kwoguo nîmaagaanirie vûrûri maita maîrî nîguo mavote kûûthiûrûrûka wonthe. Ahabu nîwathiîre mwena ûmwe, nake Obadia akîthiî mwena ûcio wîngî.

Thaburi 104:14

Nîûtûmaga nyaki îkûre nîûndû wa ng'ombe, na mîmera nîguo andû mamîtûmîre, nîguo magîcage na irio kuuma nthî,

Jeremia 14:3

Anene ao nîmatûmaga ndungata ciao manjî, mathiîcaga irikorî cia manjî nwatî mationaga manjî, macokaga na mîtûngi îtarî na kîndû, makunîkaga mothiû mao nî gûconoka na kûrwa nî vinya.

Joeli 1:18

Nyamû nîkwa irania nî kîeva! Ndîthia cia ng'ombe nîirathînîka, nîûndû gûtirî na kûndû gwa kûrîthua, wana ndîthia cia ng'ondu nîirathînîka.

Joeli 1:20

Wana nyamû cia kîthaka nîirakûrîrîra we, nîûndû tûmîtaro twa manjî rîu nî tûnyaru, mwaki nîûthirîtie kûndû gwa kûrîthua werûrî.

Joeli 2:22

Mûtikegue guoya mue nyamû, kûndû gwa kûrîthia rîu nî kwîngî; mîtî rîu nîîraciara matunda, mîthavibu na mîkûyû nîîraciara mûno.

Amosi 4:8

Nîûndû wa nyonda andû kuuma matûûrarî meengî nîmaathiîcaga îtûûrarî rîrîa meeciragia atî nîmakwona manjî, nwatî gûtiarî na manjî ma kwîgana. Kûnarî ûguo mûtianjokerera.

Habakuku 3:17

Wana ethîrwa mîkûyû tî îraa, kana mîthavibu îciara matunda, na mîtamaiyû îrege gûciara, na mîgûnda îture maketha, ndîthia cia ng'ondu na ng'ombe ciume kûrî irîa ciîngî, na ndîthia cia ng'ombe iture njagarî,